مايكل دجەكسوننىڭ اق قولعابى 65 مىڭ دوللارعا ساتىلدى

بۇل تۋرالى ر ي ا «نوۆوستي» حابارلادى.

ونلاين- اۋكسيون سيپاتىندا وتكەن شارانى ا ق ش- تىڭ لوس-اندجەلەس قالاسىنداعى نەيت ساندەرس اۋكسيون ءۇيى جۇرگىزگەن. ونىڭ ستارتتىق باعامى 20 مىڭ دوللار بولعان.

ازىرگە جەڭىمپازدىڭ ەسىمى ايتىلماي وتىر.

«سەگىز رەت ستاۆكا قويىلدى»، - دەپ جازىلعان سايتتا.

 مايكل دجەكسون وڭ قولىنا اق قولعاپ كيىپ، ساحناعا ءبىرىنشى رەت 1983 -جىلى شىقتى. كەيىن، 1999 -جىلى سۇحبات الۋ كەزىندە جۋرناليستەر ودان نەگە قولعاپتىڭ بىرەۋ ەكەنىن سۇراعاندا، ول: «نەگە بىرەۋ دەيسىز بە؟ سەبەبى، بىرەۋ دەگەن ەكەۋگە قاراعاندا، ەرەكشە كورىنەدى عوي»، -  دەپ جاۋاپ بەرگەن.

1984 -جىلى دجەكسون قولعابىن ءوزىنىڭ تاپسىرىسى بويىنشا كوپتەگەن پولوتنو سالعان، ولارىنىڭ كەيبىرەۋلەرى ناعىز ونەر تۋىندىسىنا اينالعان سۋرەتشى پول بەداردقا سىيعا تارتتى.

مۋزىكا الەمى تاريحىنداعى ەڭ جارقىن جۇلدىزداردىڭ ءبىرى بولعان مايكل دجەكسون 2009 -جىلعى 25 -ماۋسىمدا 51 جاسىندا ومىردەن ءوتتى. ونىڭ Thriller دەگەن البومى بارلىق ۋاقىتتار مەن حالىقتار اراسىندا ەڭ كوپ ساتىلعان كۇيتاباق رەتىندە گيننەستىڭ رەكوردتار كىتابىنا كىردى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى