وتىرار اۋدانىندا داۋىل سالدارىنان 650 تۇرعىن ءۇي، 18 الەۋمەتتىك نىسان زارداپ شەكتى - فوتو

و ق و ت ج د حابارلاعانداي، وتىرار اۋدانىندا 14 ەلدى مەكەن جانە 8 اۋىلدىق وكرۋگ زارداپ شەكتى. كۇشتى جەل 650 جەكە ءۇيدىڭ جانە 18 الەۋمەتتىك نىساننىڭ شاتىرىن جۇلىپ كەتتى. ونىڭ ىشىندە مەكتەپتەر، بالاباقشا، اۋرۋحانا، كوللەدجدەر بار. تاڭەرتەڭنەن باستاپ قالپىنا كەلتىرۋ جۇمىستارى جۇرگىزىلۋدە.

«اۋىل تۇرعىندارىنا راحمەت، ءبىر كىسىدەي جۇمىلىپ جاردەم كورسەتۋدە. بيزنەسمەندەر دە كومەك قولىن سوزۋدا. شاتىر جوندەلۋدە، ءبىر اۋىلدىڭ وزىندە 15 ءۇي قۇلاۋدىڭ از- اق الدىندا قالدى. ولاردى كوشىرمەس بۇرىن، ءار وتباسىنىڭ جاعدايىن قارايمىز»، - دەدى وتىرار اۋدانىنىڭ اكىمى ەرلان ايتاحانوۆ.

ەڭ كوپ زارداپ شەككەن وتىرار اۋدانى، الايدا بايدىبەك اۋدانى مەن تۇركىستان قالاسى دا كۇشتى داۋىل سالدارىن سەزىندى. بايدىبەك اۋدانىندا اياقتالماعان قۇرىلىستار زارداپ شەكسە، تۇركىستاندا قاراشىق اۋىلىندا مەكتەپتىڭ شاتىرى ۇشىپ كەتتى. تۇركىستاننىڭ وزىندە كۇشتى جەل اتاتۇرىك اتىنداعى مەكتەپتىڭ 963,93 شارشى مەتر شاتىرىن جۇلىپ كەتتى. قازىر وڭىردە ارنايى كوميسسيا قۇرىلىپ، اپاتتىڭ شىعىنىن ەسەپتەۋدە.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى