65 مىڭ بالاعا 1,1 ميلليارد تەڭگە قوسىمشا تولەم تاعايىندالدى

بيىل بۇل ماقساتتارعا بيۋدجەتتەن 132,9 ميلليارد تەڭگە قاراستىرىلعان. بۇل تۋرالى ەڭبەك جانە حالىقتى الەۋمەتتىك قورعاۋ مينيسترلىگىنىڭ باسپا ءسوز قىزمەتى حابارلادى.

ا ا ك- ءنىڭ نەگىزگى ماقساتى - اقشالاي تولەم تۇرىندە قولداۋدى جۇزەگە اسىرۋ جانە وتباسىنىڭ ەڭبەككە قابىلەتتى مۇشەلەرىن جۇمىسپەن قامتۋعا جاردەمدەسۋدىڭ بەلسەندى شارالارىنا تارتۋ ارقىلى وتباسىن قيىن ومىرلىك جاعدايدان شىعارۋ.

ا ا ك مىنالاردى كوزدەيدى:

- تابىسى كەدەيلىك شەگىنەن اسپايتىن ازاماتتارعا توقسان سايىن الەۋمەتتىك كومەك تاعايىنداۋ؛

- تابىسى از وتباسىلارداعى 1 جاس پەن 6 جاس ارالىعىنداعى ءار بالاعا 1,5 ا ە ك مولشەرىندە اي سايىنعى قوسىمشا تولەم بەرۋ. 2025 -جىلعى 1-ساۋىردە ااك الۋشىلار قاتارىنان مەكتەپ جاسىنا دەيىنگى 65 مىڭ بالاعا 1,1 ميلليارد تەڭگە سوماسىنا قوسىمشا تولەم تاعايىندالدى؛

- جۇمىسقا ورنالاستىرۋ، ءوز ءىسىن اشۋعا نيەتتى وتباسىلارعا گرانتتار بەرۋ، بىلىكتىلىكتى ارتتىرۋ كۋرستارىنا جىبەرۋ (قاجەت بولعان جاعدايدا) جانە باسقالار ارقىلى جۇمىسپەن قامتۋعا جاردەمدەسۋ.

- قازىرگى ۋاقىتتا قازاقستاندىقتار ااك تاعايىنداۋعا ءوتىنىشتى تۇرعىلىقتى جەرى بويىنشا مانساپ ورتالىعىندا، اۋىل وكرۋگىنىڭ اكىمىنە سونداي- اق ەلەكتروندىق ۇكىمەت پورتالى (egov.kz) ارقىلى بەرە الادى. 2025 -جىلعى 1-قاڭتاردان باستاپ قازاقستانداعى كەدەيلىك شەگى وڭىرلىك مەدياندىق تابىستىڭ %35 دەڭگەيىندە، ءبىراق وڭىرلىك ەڭ تومەن كۇنكورىس دەڭگەيىنىڭ %70  نان تومەن ەمەس دەڭگەيدە ايقىندالعان، - دەلىنگەن ەڭبەكمينى حابارلاماسىندا.

ايتا كەتەلىك «باتىر انا»، «انا داڭقى» وردەنىمەن ناگرادتالعان انالار قانشا جاردەماقى الاتىنى تۋرالى جازعان ەدىك.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى