ەلوردادا 64 ادام تاماقتان ۋلاندى
ۆەدومستۆو مالىمەتىنشە، 9-جانە 10-ماۋسىمدا دەپارتامەنتتىڭ اۋداندىق باسقارمالارىنا قالانىڭ ەمدەۋ ۇيىمدارىنان تاعامنان ۋلانۋ تىركەلگەنى تۋرالى شۇعىل حابارلاما تۇسكەن. بۇكىل ناۋقاستار ءوز اۋرۋلارىن ەلوردانىڭ قوعامدىق تاماقتانۋ ورىندارىنىڭ بىرىندە تاماق ونىمدەرىن تۇتىنۋمەن بايلانىستىرعان.
«جاپپاي تاماقتان ۋلانۋدى تىركەۋ جاعدايى بويىنشا بايقوڭىر اۋدانىنىڭ سانيتاريالىق- ەپيدەميولوگيالىق باقىلاۋ باسقارماسى بايقوڭىر اۋدانىنىڭ پوليسيا باسقارماسىنا اقپارات جىبەردى. كەلىپ تۇسكەن اقپارات نەگىزىندە پوليتسيا باسقارماسى سوتقا دەيىنگى تەرگەۋدى باستادى جانە ق ر ق ك 304-بابىنىڭ قىلمىستىق ءىسى بويىنشا سوتقا دەيىنگى تەرگەۋ جۇرگىزۋگە قابىلداندى. بايقوڭىر اۋدانىنىڭ باسقارماسى 10 ماۋسىمدا قىلمىستىق ءىس اياسىندا قوعامدىق تاماقتانۋ نىسانىن جوسپاردان تىس تەكسەرۋدى باستادى»، - دەپ اتاپ وتەدى دەپارتامەنتتەن.
قازىردىڭ وزىندە تەكسەرۋ بارىسىندا مىناداي بۇزۋشىلىقتار انىقتالدى: نىساننىڭ مالىمدەلگەن جوبالىق قۋاتىنىڭ ناقتى سايكەس كەلمەيدى، بۇكىل تەحنولوگيالىق پروتسەسس اس ءۇيدىڭ ءبىر بولمەسىندە جۇرگىزىلەدى، سەحتى ءبولۋ (ۋچاسكەلەرگە ءبولۋ) قاراستىرىلماعان، تەحنولوگيالىق پروتسەستەردىڭ اعىمى، تاڭبالاۋعا قويىلاتىن تالاپتار، دايىن تاماق ونىمدەرى مەن ازىق- تۇلىك شيكىزاتىن ساقتاۋ كەزىندە بولشەكتەۋ مۇكاممالىن پايدالانۋ جانە ساقتاۋ تاۋارلىق كورشىلەستىك قاعيداتى ساقتالمايدى، قىزمەتكەرلەردى ءىرىڭدى جانە جۇقپالى اۋرۋلاردىڭ بار- جوعىن تەكسەرۋ جۋرنالى جۇرگىزىلمەيدى.
تەكسەرۋ بارىسىندا زەرتحانالىق زەرتتەۋگە شايىندىلار، شيكىزات پەن دايىن ءونىمنىڭ سىناماسى الىندى. پاتوگەندىك ميكروفلورانىڭ تاسىمالداۋىنا كاسىپورىننىڭ 15 قىزمەتكەرى تەكسەرىلدى. ناتيجەسى تەكسەرىلىپ جاتىر.
«بۇگىنگى تاڭدا 64 ناۋقاس مەديتسينالىق كومەككە جۇگىندى. ونىڭ 52 ءسى اۋرۋحاناعا جاتقىزىلدى، 12 ءسى امبۋلاتوريالىق ەم الىپ جاتىر. ايتا كەتەيىك، جوسپاردان تىس تەكسەرۋ جانە ەپيدەمياعا قارسى ءىس- شارالار ءالى دە جالعاسۋدا. تاماقتان ۋلانۋدى جانە جۇقپالى ەمەس اۋرۋلاردى بولدىرماۋ ءۇشىن نۇر- سۇلتان قالاسىنىڭ سانيتاريالىق- ەپيدەميولوگيالىق باقىلاۋ دەپارتامەنتى حالىققا جوسىقسىز كاسىپكەرلەر مەن زاڭدى تۇلعالاردان ازىق- تۇلىك ونىمدەرى مەن جارنامالىق بۋكلەتتەر بويىنشا دايىن تاعامداردى جەتكىزۋ قىزمەتتەرىنەن ساتىپ الماۋدى جانە تيىسىنشە ونى پايدالانباۋدى ۇسىنادى»، - دەپ اتاپ وتەدى ۆەدومستۆودان.
اۆتور: مارلان جيەمباي
