بايقوڭىر ىرگەسى قالانعانىنا 63 جىل تولۋىن اتاپ ءوتىپ جاتىر
بايقوڭىر - جيىرماعا جۋىق مەرەكەنى اتاپ وتەتىن الەمدەگى از قالالاردىڭ ءبىرى. سەبەبى، ونداعى حالىق قازاقستاننىڭ دا، رەسەيدىڭ دە ايتۋلى مەيرامدارىن، كەڭەس عارىش سالاسىنىڭ تاريحي داتالارىن نازاردان تىس قالدىرمايدى. سولاردىڭ ءبىرى - بايقوڭىردىڭ تۋعان كۇنى.
1955 -جىلدىڭ 2 - ماۋسىمىندا ك س ر و مينيسترلەر كەڭەسى باس شتابىنىڭ نۇسقاۋىمەن №5 (بايقوڭىر عارىش ايلاعى) عىلىمي- زەرتتەۋ ءارى سىناق پوليگونىنىڭ ۇيىمدىق- شتاتتىق قۇرىلىمى بەكىتىلدى. ودان كەيىن ءدال وسى كۇن تاريح پاراقشالارىنا بايقوڭىر عارىش ايلاعىنىڭ ىرگەسىنىڭ قالانعانى كۇنى رەتىندە ەنگىزىلدى.
بايقوڭىر اتاۋلى كۇندى جاڭارتىلعان دەمالىس اۋماعىندا كوپتەگەن سپورتتىق شارالارمەن اتاپ ءوتتى.
نەگىزگى مەرەكەلىك شارالار قالانىڭ باستى الاڭىندا ۇيىمداستىرىلادى. ول جەردە بايقوڭىردىڭ ەڭ ۇزدىك وتباسى كىم ەكەنى انىقتالىپ، ءىرى مەرەكەلىك كونسەرت وتەدى. كونسەرت سوڭىندا وتشاشۋ بولادى.
ءداستۇر بويىنشا قالا كۇنىن تويلاۋ كەزىندە «بايقوڭىر قالاسىنىڭ قۇرمەتتى ازاماتى» اتاعى بەرىلەدى. بيىل ءدال وسى ءتىزىمدى «بايقوڭىر» عارىش كەشەنىنە ەڭبەگى سىڭگەن، ك س ر و قارۋلى كۇشتەرىنىڭ ارداگەرى، عارىش ايلاعىن ەڭبەك سىڭىرگەن سىناقشىسى، بايقوڭىردىڭ ىرگەسىنىڭ قالاۋىنا ۇلەس قوسقان يۋري لۋكيانوۆ پەن بايقوڭىر قالاسىنىڭ ءارى «بايقوڭىر ەنەرگو» كاسىپورىنىڭ ارداگەرى نينا ۆلاديميرتسيەۆا تولىقتىردى.
يۋريي لۋكيانوۆ بايقوڭىر عارىش ايلاعىندا 1968 -جىلدان بەرى ايگىلى «گاگارين ستارتىندا» قىزمەت ەتىپ كەلەدى. ءوز ومىرىندە زىمىران- عارىشتىق كەشەنىندە 150 ۇشۋ ساپارىن جۇزەگە اسىرۋعا قاتىسقان.
نينا ۆلاديميرتسيەۆا بۇرىنعى قالالىق ج ە س - قازىرگى «بايقوڭىر ەنەرگو» كاسىپورنىندا 1957 -جىلدان، ياعني شامامەن قالانىڭ ىرگەسى قالانعانىنان باستاپ ەڭبەك ەتىپ كەلەدى. جۇمىستان بىرنەشە جىل بۇرىن شىققان. قازىر جاسى سەكسەندە.
«بايقوڭىردىڭ قۇرمەتتى ازاماتى» لەنتاسى مەن كۋالىگىن يەلەرلەرگە بايقوڭىر قالاسى اكىمشىلىگىنىڭ باسشىسى كونستانتين بۋسىگين تابىس ەتتى.
اۆتور: سارا قابي قىزى
