جالپى سوماسى 63,2 ميلليارد تەڭگە بولاتىن 7 مىڭنان استام پاتەر ساتىپ الۋعا كەلىسىمشارت جاسالدى

 بۇل تۋرالى بۇگىن «نۇر وتان» پارتياسى فراكسياسى كوميسسياسىنىڭ بيۋدجەت قارجىسىن ءتيىمدى پايدالانۋ ماسەلەسىنە ارنالعان وتىرىسىندا اتالعان حولدينگتىڭ باسقارما ءتوراعاسى قۋاندىق بيشىمبايەۆ ءمالىم ەتتى.

ونىڭ اتاپ وتۋىنشە، بۇگىنگى كۇنى «نۇرلى جول» بويىنشا جالعا الۋ باعدارلاماسىن ىسكە اسىرۋ اياسىندا جالپى سوماسى 63,2 ميلليارد تەڭگە، كولەمى 417,6 مىڭ شارشى مەتر (7208 پاتەر) بولاتىن 43 نىسان بويىنشا كەلىسىمگە قول قويىلعان. ولاردىڭ ىشىندە 2015 - جىلى تاپسىرۋ مەرزىمىمەن 53,3 ميلليارد تەڭگە تۇراتىن، اۋماعى 344,7 مىڭ شارشى (5 929 پاتەر) بولاتىن 36 نىسان بويىنشا، 2016 - جىلى تاپسىرۋ مەرزىمى بويىنشا 10 ميلليارد تەڭگە تۇراتىن اۋماعى 72,9 مىڭ شارشى مەتر (1279 پاتەر) بولاتىن 7 نىسان بويىنشا كەلىسىمگە قول قويىلعان.

«قول قويىلعان كەلىسىمدەردەن يەمدەنۋ 194,8 مىڭ شارشى مەتردى نەمەسە  3295 پاتەردى قۇرايدى، قۇرىلىس - 222,8 مىڭ شارشى مەتر نەمەسە 3913 پاتەر. بۇگىنگى كۇنى شىمكەنت، تاراز، سەمەي، قىزىلوردا، ورال، پاۆلودار، تالدىقورعان، وسكەمەن جانە پەتروپاۆل قالالارىندا قۇرىلىس جۇمىستارى ءجۇرىپ جاتىر»، - دەدى «بايتەرەك» حولدينگىنىڭ باسشىسى.

قول قويىلعان كەلىسىمشارتتار بويىنشا بولىنگەن 121,7 ميلليارد تەڭگەنىڭ ءىس جۇزىندە 27 ميلليارد تەڭگەسى يگەرىلگەن.

 اۆتور: مارلان جيەمباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى