قازاقستاندىق جاستاردىڭ 62 پايىزى باسپاناعا مۇقتاج

ال بۇگىندە قازاقستاندا 29 جاسقا دەيىنگى ازاماتتاردىڭ سانى - 4 ميلليون. كەزىندە جاس وتباسىلاردى پاتەرمەن قامتۋ ءۇشىن 2020 -جىلعا دەيىنگى ارنايى باعدارلاما دا ءتۇزىلدى. ءبىراق جوبا وسىدان 2 جىل بۇرىن توقتاپ قالدى. ال قازىرگى 7-20-25 باعدارلاماسى ارقىلى ءۇي الايىن دەسە، العاشقى جارناعا قاراجات جەتپەيدى. بۇعان قوسا اي سايىنعى تولەمدى وتەۋ دە وڭاي ەمەس. سەبەبى جاستاردىڭ ايلىعى ماردىمسىز.

ماسەلەن، ەۋرازيا ۇلتتىق ۋنيۆەرسيتەتىنىڭ وقىتۋشىسىنىڭ ءوزى نەبارى 74 مىڭ تەڭگە تابىس تابادى ەكەن. بۇگىن «نۇر وتان» پارتياسىنىڭ پانەلدىك سەسسيالارىنىڭ بىرىندە ءماجىلىس دەپۋتاتى باقتيار ماكەن وسىنداي ماسەلە كوتەردى.

تۇيتكىلدى شەشۋ ءۇشىن حالىق قالاۋلىسى جاستارعا يپوتەكاعا ءۇي راسىمدەۋگە نەسيە بەرۋ كەرەك دەگەن پىكىردە.

باقتيار ماكەن، ق ر پارلامەنتى ءماجىلىسىنىڭ دەپۋتاتى:

- مەملەكەت تاراپىنان ارنايى بىزدە يپوتەكالىق بانكتەر بار، سولار ارقىلى مولشەرلى تۇردە جاس وتباسىلارعا يپوتەكا ارقىلى نەسيە بەرىپ، وزدەرىنىڭ تۇرعىن ءۇي الۋعا مۇمكىندىگىن جاساۋ قاجەت.

سونداي-اق باقتيار ماكەن جاستار جۇمىسسىزدىعى ماسەلەسىن دە ءسوز ەتتى. ولقىلىقتى شەشۋگە «نۇر وتاننىڭ» جاستار پراكتيكاسى باعدارلاماسى ىقپال ەتىپ كەلەدى. «ەندى وسى جوبا شەڭبەرىندە وقۋعا تۇسپەي قالعان مەكتەپ تۇلەكتەرىن دە وقىتۋ ماسەلەسىن قاراستىرۋ كەرەك»، - دەيدى دەپۋتات.

www.24.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى