الداعى ون جىلدا نارىقتاعى 60 پايىزعا جۋىق ماماندىققا قاجەتتىلىك بولماي قالۋى مۇمكىن
بۇل تۋرالى ورتالىق كوممۋنيكاتسيالار قىزمەتىندە وتكەن بريفينگتە عىلىم جانە جوعارى ءبىلىم ۆيتسە-ءمينيسترى قۋانىش ەرعاليەۆ ايتتى، دەپ حابارلايدى قازاقپارات ءتىلشىسى.
«دۇنيەجۇزىلىك ەكونوميكالىق فورۋم بولجامدارىنا سايكەس، 10 جىلدان كەيىن 60 پايىزعا جۋىق ماماندىقتار ترانسفورماتسياعا ۇشىرايدى، ءيا بولماسا ىستەن شىعادى. تيىسىنشە، ولاردىڭ ەڭبەك نارىعىنداعى باسەكەگە قابىلەتتىلىگىن قامتاماسىز ەتۋ ءۇشىن مامانداردىڭ قوسىمشا قۇزىرەتتىلىكتەرىن الۋ قاجەتتىلىگى وتە جوعارى. وسىعان بايلانىستى مەملەكەت باسشىسىنىڭ تاپسىرماسى بويىنشا ءومىر بويى ءبىلىم الۋ تۇجىرىمداماسى ازىرلەندى. تۇجىرىمدامادا كوزدەلگەن شارالار كوپتەگەن ءبىلىم الۋ جولدارى ارقىلى، فورمالدى ەمەس وقىتۋ ارقىلى دا، جاڭا ءبىلىم مەن قۇزىرەتتىلىكتەردى الۋعا مۇمكىندىك بەرەدى. تۇجىرىمدامانى جۇزەگە اسىرۋ ماقساتىندا مەملەكەتتىك ءبىلىم بەرۋ ستاندارتىندا ميكروكۆاليفيكاتسيا ءبىلىم الۋ ناتيجەلەرىن قابىلداۋ جوسپارلانعان»، - دەپ توقتالدى ۆيتسە-مينيستر.
قۋانىش ەرعاليەۆتىڭ مالىمدەۋىنشە، ستۋدەنتتەردى ونلاين فورماتتا وقىتۋ ماڭعىزدىلىعى ارتىپ كەلەدى. وسىعان بايلانىستى كەلەسى وقۋ جىلىنان باستاپ، اتالعان ءبىلىم بەرۋدىڭ جاڭا ءتۇرى ىسكە قوسىلادى.
اتاپ ايتقاندا، ۋنيۆەرسيتەتتەردە سيفرلىق وقىتۋ رەسۋرستارىن، جەلىلەر مەن جاپپاي اشىق ونلاين-كۋرستاردى دامىتۋ جوسپارلانۋدا.
