ەلوردا حالقىنا جىلىنا 60 مىڭ ادام قوسىلادى - باس جوسپارعا تۇزەتۋلەر ەنگىزىلەدى

«قالا تۇرعىندارىنىڭ سانى جىل سايىن ارتىپ كەلەدى، ياعني جىلدا 55-60 مىڭ قوسىلادى. ەگەر 2010 -جىلى 650 مىڭعا جۋىق تۇرعىن بولسا، بىلتىرعى جانە بيىلعى كورسەتكىشتەر بويىنشا 1 ميلليون 200 مىڭ ادام. 2010 -جىلى باس جوسپاردى قابىلداعان كەزدە 2030 -جىلى جەتەمىز دەگەن جوسپار بولعان. ال ونى ءبىز 10 جىل بۇرىن جەتىپ قويدىق»، - دەدى التاي كولگىنوۆ.

ونىڭ ايتۋىنشا، الداعى ۋاقىتتا تۇرعىندار سانىنىڭ 2 ميلليونعا جەتۋى مۇمكىن ەكەنىن ەسكەرە وتىرىپ، سالىناتىن تۇرعىن ۇيلەر، ينجەنەرلىك جەلىلەر، مەكتەپتەر جانە باسقا دا ماسەلەلەر بويىنشا ءتيىستى شەشىمدەر قابىلداۋ كەرەك.

«ءبىز قازىر باس جوسپارعا تۇزەتۋلەردى ەسكەرىپ وتىرمىز. 2030 - جىلى تۇرعىندار سانى 2 ميلليونعا جەتىپ قالادى دەگەن ەسەپتەۋلەر بار»، - دەدى قالا اكىمى.

اۆتور: رۋسلان عابباسوۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى