يزرايلدە جاسى 60-تان اسقاندار ۆاكسينانىڭ ءۇشىنشى دوزاسىن الا باستادى
ءبىرىنشى كۇنى ەكپە 40 مىڭعا جۋىق ادامعا سالىنعان. تاعى 200 مىڭنان استامى ۆاكسينالاۋعا جازىلعان. بيلىكتىڭ جوسپارى بويىنشا، وسى ساناتقا جاتاتىن تۇرعىندار، تامىز ايىنىڭ اياعىنا دەيىن تولىق ەگىلۋى ءتيىس. ەلدىڭ دەنساۋلىق ساقتاۋ مينيسترلىگىنىڭ مالىمەتىنە سايكەس، ءساۋىر ايىنان بەرى كوۆيدتەن اۋىر دەرتكە شالدىققاندار سانى العاش رەت 200 ادامنان استى. جالپى بۇگىنگە دەيىن يزرايلدە ۆاكسينانىڭ قوس كومپونەنتىن 5 ميلليوننان استام ادام قابىلداعان.
- ءوزىمدى تاماشا سەزىنىپ تۇرمىن. بۇعان دەيىن 2 دوزانى العان كەزدە دە ءبارى جاقسى بولعان. ءتىپتى بەسىنشى رەت ۆاكسينا قابىلداۋ كەرەك بولسا دا، كەلىسەمىن. يممۋنداۋ بىزگە كوبىرەك قۇقىق بەرەدى، بۇنى ءبىزدىڭ مىندەتىمىز دەسەك تە بولادى.
