شىمكەنتتە 60 تۇرعىن ءۇي اۋلاسىن سۋ باسىپ قالدى
سالدارىنان 60 تۇرعىن ءۇي اۋلالارىن سۋ باسىپ جانە 3 شارۋاشىلىق نىسان قيرادى.
بۇل تۋرالى قازاقپارات ت ج ك سىلتەمە جاساپ حابارلايدى.
«13- مامىر ساعات 19.14 جاعداي بويىنشا ەڭبەكشى اۋدانىنىڭ، ەلتاي ەلدى مەكەنىندە قاتتى جاۋىن-شاشىن سالدارىنان ارىقتىڭ سۋ تاسىعان (سۋ تۇركىستان وبلىسى، تولەبي اۋدانىنان كەلۋدە).
قازىرگى تاڭدا تاسقىن سۋ 60 تۇرعىن ءۇي اۋلالارىن باسىپ جانە 3 شارۋاشىلىق نىساندى قيراتقان.
ت ج د كۇشتەرىمەن سۋ سورۋ جۇمىستارى جۇرگىزىلۋدە، جەرگىلىكتى اتقارۋشى ورگان قىزمەتكەرلەرىنىڭ كۇشتەرىمەن ارىقتاردىڭ مەحانيكالىق تازارتۋ جۇمىستارىن جۇرگىزىلۋدە جانە 60 تۇرعىن ءۇيدىڭ تۇرعىندارىن (ە ج پ- نە 150 تۇرعىن ەۆاكۋاتسيالاندى، 150 گە جۋىق تۇرعىن تۋىسقاندارىنا ەۆاكۋاتسيالاندى) توعىس ە/م- دە ورنالاسقان 120№ ورتا مەكتەبىنىڭ جانە 119№ ورتا مەكتەپتەردە ۇيىمداستىرىلعان ە ج پ- لەرىنە (ەۆاكۋاتسيالىق جينالۋ پۋنكتەرى) ەۆاكۋاتسيالانۋدا.
تابيعات اپاتىنان قازا تاپقاندار جوق. تۇرعىن ءۇي اۋلالارىنداعى سۋدىڭ دەڭگەيى 20-50 سانتيمەتردى قۇرايدى.
قازىرگى ۋاقىتتا، سۋدىڭ كەلۋ دەڭگەيى 3-5 م. كۋب. ت ج سالدارىن جويۋ بويىنشا ت ج د جەدەل شتابى قۇرىلدى.
ەسكە سالساق، بۇگىن تۇركىستان وبلىسى تولەبي اۋدانىندا قاسقاسۋ وزەنى ارناسىنان اسىپ، اۋىل اراسىنداعى كوپىرلەردى سۋ شايىپ كەتكەنى تۋرالى حابارلاعان بولاتىنبىز.
