ناۋرىز مەيرامىندا الماتىدا 60 توننا كوجە مەن باۋىرساق تاراتىلادى

بيىل كۇن مەن ءتۇننىڭ تەڭەلۋ مەرەكەسىندە اركىمنىڭ- اق قازاقتىڭ ۇلتتىق تاعامدارىنان ءدام تاتۋىنا بولادى. بارشاعا ءداستۇرلى مەرەكەلىك تاعامدار - كوجە مەن باۋىرساق تاراتىلادى.

ناۋرىز مەرەكەسىندە قالا تۇرعىندارىن ءدامدى كوجەمەن تويدىرۋعا الماتى قالاسىنىڭ پاتەر يەلەرى كوپەراتيۆتەرى دە اتسالىساتىن بولدى. مەرەكە 22 - ناۋرىزدان باستاپ، تۋرا ءبىر ايعا، 21 - ساۋىرگە دەيىن جالعاسادى. جوسپار بويىنشا 60 توننا كوجە مەن باۋىرساق تاراتىلادى.

ۇلتتىق داستارحاننان بولەك قالانىڭ جەتى ءىرى ايماعىندا حالىق سەرۋەندەرى وتەدى. وندا كەلۋشىلەر ۇلتتىق دالا اسحاناسىنىڭ وزگە دە تاعامدارىنان ءدام تاتا الادى، الماتىنىڭ 40 مەيرامحاناسى وزدەرىنىڭ ۇزدىك فيرمالىق تاعامدارىن ۇسىناتىن كوشە بۇرىشتارىن ۇيىمداستىرادى.

ايتا كەتسەك، مەرەكەلىك كۇندەر ناۋرىزدىڭ 21 نەن 24 ىنە دەيىن جالعاسىپ، اشىق اسپان استىندا فەستيۆال ۇلگىسىندە وتەدى.

ەسكە سالا كەتەيىك، حالىق سەرۋەندەرى قالانىڭ 7 جەرىندە قاتار وتەدى:

22,23 - استانا الاڭىندا؛

21-24 - پانفيلوۆ، جىبەك جولى كوشەلەرىندە؛

 22 - «Halyk Arena» مۇز سارايىندا؛

 22 - ناۋرىزدا - «الماتى ارەنا» مۇز كەشەنىندە؛

 22 - ناۋرىزدا - «اتاكەنت» ق ءى ى و؛

23 - ناۋرىزدا - «سۇڭقار» حالىقارالىق ترامپليندەر كەشەنىندە.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى