جوعارعى سوت 60 مىڭ تەڭگە جىمقىردى دەپ ايىپتالعان ايەلدى اقتادى

سوتتالۋشى قۇرىلىس ماتەريالدارىن ساتاتىن دۇكەنگە ساتۋشى بولىپ جۇمىسقا ورنالاسقان. دۇكەن يەسىمەن ەڭبەك قاتىناسى زاڭدى تۇردە راسىمدەلمەگەن. اي سايىن 60 مىڭ تەڭگەنى قولما-قول تولەپ تۇراتىنى جونىندە اۋىزشا كەلىسكەن. ودان كەيىن دۇكەن يەسى ۋاقىتشا قيىندىقتاردى سەبەپ ەتىپ، ا. سيتينانىڭ جۇمىس ىستەگەن ۋاقىتىنا جالاقى تولەۋدەن باس تارتقان. دۇكەن قوجايىنى ونىمەن داۋسىن كوتەرىپ، قاتتى-قاتتى سويلەگەن.

سول كەزدە ا. سيتينا كاسسادا جاتقان 100 مىڭ تەڭگەدەن 60 مىڭ تەڭگەنى رۇقساتسىز الىپ، بۇل اقشانى جالاقى ەسەبىندە العانىن ايتىپ، قولحات جازادى. سوسىن قولحات پەن دۇكەننىڭ كىلتىن سول جەرگە قالدىرىپ، ءوزى جۇمىس ورنىنان كەتىپ قالعان.

ا. سيتينا 60 مىڭ تەڭگەنى يەمدەنىپ كەتكەنى ءۇشىن جاۋاپقا تارتىلىپ، 1 جىل 6 ايعا باس بوستاندىعىنان ايرىلعان بولاتىن. كاسساتسيالىق سوت القاسى سوتتالۋشىنىڭ ارەكەتىنەن قىلمىستىق قۇقىقبۇزۋشىلىق قۇرامىن تاپپادى.

«ا. سيتينانىڭ بارلىق ايىپتار بويىنشا اقتالۋىنا بايلانىستى سوت اكتىلەرىنىڭ كۇشى جويىلدى»، دەپ حابارلادى ۆەدومستۆوداعىلار.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى