رەسەي ا ق ش- تىڭ 60 ديپلوماتىن ەلدەن شىعاردى

ونىڭ 58 ى ماسكەۋدەگى، 2 ەۋى ەكاتەرينبۋرگتەگى وكىل رەتىندە قىزمەت اتقارعان. ەندى ءبارى «نون گراتا تۇلعاسى» دەپ جاريالانىپ، «ەلشى ستاتۋسىنا ساي ەمەس بولعاندىقتان» ، 5 - ساۋىرگە دەيىن تەز ارادا رەسەي اۋماعىنان كەتۋى ءتيىس، دەپ حابارلايدى ر ف س ءى م رەسمي سايتى.

رەسەي سىرتقى ىستەر ءمينيسترى سەرگەي لاۆروۆ بۇل شەشىمدى جاريالاۋ ءۇشىن ا ق ش ەلشىسى دجون حانتسماندى شاقىرعان.

ەسكە سالا كەتسەك، مۇنداي شارا 4 - ناۋرىزدا ۋلانعان ب ت ب ەكس- پولكوۆنيگى سەرگەي سكريپال مەن ونىڭ قىزى يۋلياعا قاتىستى ىستەن سوڭ ورىن الىپ وتىر.

بريتانيا رەسەي ەلشىلەرىن قۋىپ جىبەرگەن سوڭ، جاۋاپ رەتىندە ماسكەۋ 23 ەلشىنى قىزمەتىنەن بوساتىپ، بريتانيا ينستيتۋتتارىن جاپتى. ر ف پرەزيدەنتى ۆلاديمير پۋتين ءوز ەلىنە تاعىلعان ايىپتى تۇگەل جوققا شىعاردى. سەرگەي لاۆروۆ الەمدىك رەسەي ەلشىلەرىن قۋۋ پروتسەسى ءۇشىن ءار ەلدىڭ جاۋاپ بەرەتىنىن ايتتى.

ا ق ش ەلشىلەرىنىڭ رەسەي جەرىنەن شىعارىلۋىن ۆاشينگتون مەملەكەتتىك دەپارتامەنتىنىڭ باسپا ءسوز حاتشىسى حيزەر ناۋەرت «ايانىش تۋدىراتىن وقيعا» دەپ باعالادى.

«ا ق ش ماسكەۋ ەلشىلەرىن شىعارسا، وعان نەگىز بار. جۇيكە- پاراليتيكالىق گاز تەك رەسەي جەرىندە عانا جاسالادى. ال ءبىزدىڭ ەلشىلەردى قۋۋ - نەگىزسىز ارەكەت، سوندىقتان جاۋاپ بەرۋ قۇقىعىمىز بار» ، - دەدى ناۋەرت.

اق ءۇيدىڭ باسپا ءسوز حاتشىسى سارا ساندەرس رەسەيدىڭ بۇل شەشىمى ماسكەۋ- ۆاشينگتون قارىم- قاتىناسىنا سىزات ءتۇسىردى دەيدى.

Baq.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى