بالاسى بىرنەشە كۇن شۇڭقىردا بولعان پاۆلودارلىق ايەل 60 كۇنگە قامالۋى مۇمكىن
پاۆلودار قالاسىنىڭ ءبىلىم بەرۋ ءبولىمى كامەلەتكە تولماعانداردىڭ ىستەرى جونىندەگى مامانداندىرىلعان اۋدانارالىق سوتىنا ايەل ادامدى اتا-انا قۇقىعىنان ايىرۋ تۋرالى ارىزداندى. «ارتۋردىڭ اناسىنا ق ر ا ق ب ك- نىڭ 127-بابى، 1-تارماعى - «اتا-انانىڭ نەمەسە باسقا دا زاڭدى وكىلدەردىڭ كامەلەتكە تولماعان بالالاردى تاربيەلەۋ مەن وقىتۋ جونىندەگى مىندەتتەردى ورىنداماۋى» بويىنشا جەتى ايلىق ەسەپتىك كورسەتكىش مولشەرىندە جانە وسى زاڭعا سايكەس132-بابى، 2-تارماعى - «كامەلەتكە تولماعانداردىڭ تۇنگى ۋاقىتتا (ساعات 22 دەن تاڭعى 6 عا دەيىن) زاڭدى وكىلدەرىنىڭ بىرگە ءجۇرۋىنسىز ويىن-ساۋىق مەكەمەلەرىندە بولۋىنا جول بەرۋ» بويىنشا 30 ايلىق ەسەپتىك كورسەتكىش مولشەرىندە ايىپپۇل سالىنادى»، - دەدى قالالىق پروكۋراتۋرانىڭ ءبولىم پروكۋرورى تيمۋر قالين.
سونىمەن قاتار، ارتۋردىڭ اناسىنا قاتىستى ق ر ق ك- نىڭ 140-بابى، 1-تارماعى «كامەلەتكە تولماعان ادامدى تاربيەلەۋ جونىندەگى مىندەتتەردى ورىنداماۋ» بويىنشا قىلمىستىق ءىس قوزعالدى.
ناتيجەسىندە وعان 200 ا ە ك كولەمىندە ايىپپۇل سالىنىپ، 180 ساعاتقا قوعامدىق جۇمىسقا تارتىلادى نەمەسە 60 كۇنگە قامالادى. «قازىر ارتۋر وبلىستىق بالالار اۋرۋحاناسىنىڭ سوماتيكا بولىمىندە جاتىر. ەرتەڭ ونى شىعارادى. كەيىن ول بالالار مەن جاسوسپىرىمدەردى باسپاناسىنا جىبەرىلەدى. جالپى، وڭىرىمىزدە اتا-انا قۇقىعىنان ايىرىلىپ، بالاسىن قايتارعاندار سيرەك كەزدەسەدى»، - دەيدى قالالىق ءبىلىم باسقارماسىنىڭ قورعانشىلىق سەكتورىنىڭ مەڭگەرۋشىسى ورىنباسارى تەمىربولاتوۆا.
