ەلوردادا ۇستالعان قايىر سۇراۋشىلاردىڭ 60 پايىزىنىڭ جاعدايى جاقسى
بۇگىن استانادا وتكەن باسپا ءسوز ءماسليحاتىندا قالالىق ءى ءى د باسشىسىنىڭ ورىنباسارى باتىرلان ەسەنباي وسىلاي ءمالىم ەتتى.
«سوت قاۋلى شىعارىپ، ولارعا ايىپپۇل تولەۋگە ۋاقىت بەرەدى. ەگەر دە ولاردىڭ قالتاسىندا اقشالارى بولسا، بىردەن ايىپپۇلدارىن تولەيدى. ال اقشالارى بولماعان جاعدايدا، ءبىز زاڭناماعا سايكەس، ءبىر اي كۇتەمىز. كەيىننەن ايىپپۇلدى تولەۋگە مىندەتتەيمىز»، - دەدى ول.
ب. ەسەنبايدىڭ ايتۋىنشا، ۇستالعان قايىر سۇراۋشىلاردىڭ اراسىندا مۇلدەم اقشالارى جوق ادامدار بار. تۋىسقاندارى ولاردى تاۋىپ، ايىپپۇلدارىن تولەپ جاتاتىن دا كەز بولادى.
«ۇستالعانداردىڭ شامامەن 60 پايىزعا جۋىعى ايىپپۇلدارىن وتەيدى»، - دەپ ناقتىلاپ ءوتتى ب. ەسەنباي.
سونىمەن قاتار ول قىزمەتىنەن تىس ۋاقىتتا قالا كوشەسىمەن سەرۋەندەپ جۇرگەندە ەشقاشان دا قايىر سۇراپ جۇرگەندەرگە اقشا بەرمەيتىندىگىن جانە دەرەۋ وپەراتيۆتىك قىزمەتكەردى شاقىراتىندىعىن جەتكىزدى.
اۆتور: رۋسلان عابباسوۆ
