الماتىدا گازبەن جۇرەتىن ەكولوگيالىق تازا كولىكتەردىڭ سانى 60 پايىزعا دەيىن ارتتى- ا. ەسىموۆ

قالا باسشىسى احمەتجان ەسىموۆ قوعامدىق كولىكتىڭ تيىمدىلىگىن ارتتىرۋدىڭ ماڭىزدىلىعىن ايتىپ ءوتتى.

قالا باسشىسى مارشرۋت جەلىسىن وڭتايلاندىرۋ، ەلەكتروندى بيلەتتەندىرۋ جۇيەسىن ەنگىزۋ، جولاۋشى تاسىمالىنان ءتۇسىپ وتىرعان كولەڭكەلى تابىستاردى جاريا ەتۋ قوعامدىق كولىكتىڭ جالپى جولاۋشى تاسىمالى ىشىندەگى ۇلەسىن 32 پايىزعا جەتكىزۋگە سەپتىگىن تيگىزەتىنىن ايتتى.

ايتا كەتەيىك، سوڭعى 5 جىلدا گازبەن جۇرەتىن ەكولوگيالىق تازا كولىكتەردىڭ سانى 10 نان 60 پايىزعا دەيىن ارتتى. قالا اكىمى بۇل جۇمىستىڭ ودان ءارى جالعاساتىنىن ايتتى.

«جەكە اۆتوپارك يەلەرىن ماجبۇرلەۋ ارقىلى 100 پايىزعا دەيىن جەتكىزۋ كەرەك. ەكولوگيالىق تازا كولىكتەردى مەملەكەتتىك قولداۋ شارالارى جەكە كولىكتەردىڭ دە گاز بەن ەلەكتر ەنەرگياسىنا كوشىرىلۋىنە ىقپال ەتكەنى ابزال»، - دەدى ول.

قالا باسشىسى جۇيە ىشىندەگى ءبىراز كەمشىلىكتەردى، اتاپ ايتقاندا جەكە اۆتوپارك يەلەرىنىڭ كولىكتىڭ سىرتقى كەلبەتىن تازالىقتا ۇستاپ، توزۋىنىڭ الدىن الۋعا باسا ءمان بەرۋىن تالاپ ەتتى. سونداي- اق جۇرگىزۋشىلەردى ىنتالاندىرۋ ماسەلەلەرى دە ءسوز ەتىلدى.

ايتا كەتەيىك، الماتىدا سوڭعى 5 جىلدا قوعامدىق كولىك جولاۋشىلارىنىڭ سانى 110 ميلليون ادامعا جەتىپ، جولاۋشىلار اينالىمى 1,7 ەسەگە ارتتى.

اۆتور: گۇلميرا عوسمانالي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى