قازاقستاندا مۇنايدىڭ ەكسپورتتىق باج سالىعى تونناسىنا 60 دوللارعا دەيىن تومەندەتىلەدى
بۇل تۋرالى بۇگىن اقوردادا وتكەن ق ر ۇكىمەتىنىڭ كەڭەيتىلگەن قۇرامداعى وتىرىسىنان كەيىن ب ا ق وكىلدەرىنە ەكونوميكا جانە بيۋدجەتتىك جوسپارلاۋ ءمينيسترى ەربولات دوسايەۆ ءمالىم ەتتى.
«ەكسپورتتىق باج سالىعى بيۋدجەت تۇزەتىلىمىمەن بىرگە تومەندەتىلەتىن بولادى. ءبىزدىڭ ەسەپتەۋلەرىمىزگە سايكەس، ەكسپورتتىق باج سالىعى تونناسىنا 60 دوللارعا دەيىن تومەندەتىلەدى. پارلامەنت بيۋدجەتتى قابىلداعاننان كەيىن تومەندەيدى»، - دەدى ول.
ءمينيستردىڭ اتاپ وتۋىنشە، بۇل جۇمىس كەلەسى اپتا ىشىندە تولىعىمەن اياقتالاتىن بولادى.
اۆتور: مارلان جيەمباي
