بايقوڭىر عارىش كەشەنى 60 جىلدىعىنا دايىندالۋدا
بايقوڭىر عارىش ايلاعىنىڭ جىلناماسىندا قۇرىلىسشىلاردىڭ العاشقى دەسانتى لەيتەنانت دەنەجكيننىڭ ۆزۆودى بولعانى ايتىلادى. بىرەگەي نىساندى جوبالاۋدى كسرو قورعانىس مينيسترلىگى ارنايى قۇرىلىستى جوبالاۋ ورتالىق ينستيتۋتى جۇزەگە اسىرعان. ونىڭ باس ينجەنەرى بولىپ ا. ا. نيتوچكين تاعايىندالدى.
بايقوڭىر قالاسى عارىش ايلاعىنىڭ رەسمي قۇرىلعان كۇنى 1955 - جىلعى 2 - ماۋسىم سانالادى. سول كەزدە ك س ر و قورعانىس مينيسترلىگىنىڭ باسشىسى بايقوڭىر اتىن العان بەسىنشى سىناق پوليگونىنىڭ ۇيىمداستىرۋ- شتاتتىق قۇرىلىمىنا قول قويعان.
العاشقى قۇرىلىسشىلاردىڭ باستاپقىدا شاتىرلار، جەركەپەدە تۇرىپ، اۋىزسۋدىڭ جوقتىعىنا، قاتتى ايازدار مەن 45 گرادۋستىق ىستىقتارعا توزۋىنە تۋرا كەلدى.
قۇرىلىس باستالعاننان كەيىن نەبارى ەكى جىلدان كەيىن - 1957 - جىلعى 15 - مامىردا بايقوڭىر قالاسىندا ر-7 زىمىرانى العاش رەت ۇشىرىلدى، 4 - قازاندا جەردىڭ جاساندى سەرىگى ۇشىرىلدى. 1961 -جىلى 12 - ساۋىردە العاشقى ۇشقىش يۋري گاگارينمەن «ۆوستوك» عارىش كەمەسى ۇشىرىلدى.
2015 - جىلعى 2 - ماۋسىمدا «بايقوڭىر» عارىش كەشەنىنىڭ 60 - جىلدىعىنا وراي بايقوڭىر قالاسى مەن عارىش ايلاعىندا سالتاناتتى شارا وتەدى. مەرەيتويدى ۇيىمداستىرۋ جانە مەرەكەلەۋ جونىندەگى ۇيىمداستىرۋ كوميتەتى قۇرىلادى.
