استانادا مۇستاپا ءوزتۇرىكتىڭ 60 جىلدىعىنا ارنالعان تايەكۆاندودان قازاقستان چەمپيوناتى باستالدى
بىرىنشىلىككە قازاقستاننىڭ بارلىق وڭىرلەرىنەن جانە استانا، الماتى قالالارىنان 260 سپورتشى كەلدى. تايەكۆاندو فەدەراتسياسىنىڭ حابارلاۋىنشا، جەڭىمپازدار ەلىمىزدىڭ نەگىزگى قۇراماسىنا الىنادى جانە كەلەسى جىلى چەليابىدە وتەتىن الەم چەمپيوناتىندا قازاقستان نامىسىن قورعاماق.
«بيىلعى تۋرنيرلىك باعدارلامانى قازاقستان چەمپيوناتىمەن ءتامامداپ وتىرمىز. مەنىڭشە وسى بىرىنشىلىك جىلدىڭ تاماشا نۇكتەسى بولماق»، - دەدى قازاقستاننىڭ تايەكۆاندو فەدەراتسياسىنىڭ پرەزيدەنتى ۆياچەسلاۆ كيم تۋرنيردىڭ اشىلۋىندا.
اۆتور: جاسۇلان جولدىبايەۆ
