سولتۇستىك قازاقستاندا پروكۋراتۋرا مەملەكەتكە كەلتىرىلمەك بولعان 604 ميلليون تەڭگە شىعىننىڭ الدىن الدى
بۇل تۋرالى وبلىستىق پروكۋروردىڭ ورىنباسارى اراي اليموۆ بريفينگ بارىسىندا مالىمدەدى.
سولتۇستىك قازاقستان پروكۋرورلارى مەمورگانداردا مەملەكەتتىك ساتىپ الۋدى قاتاڭ باقىلاۋدا ۇستاپ وتىر. ولاردىڭ ايتۋىنشا، بۇل جەمقورلىق جايلاعان سالانىڭ ءبىرى.
«جىل باسىنان بەرى مەملەكەتتىك ساتىپ الۋدى تەكسەرۋ بارىسىندا مەملەكەتكە كەلتىرىلمەك بولعان 604 ميلليون تەڭگە شىعىننىڭ الدىن الدىق. ءبىر عانا مىسال كەلتىرەيىن، پەتروپاۆل قالاسىندا اۆتوموبيل جولدارىن جوندەۋگە جانە سالۋعا كونكۋرس جاريالاندى. بۇل ءۇشىن بيۋدجەتتەن 177 ميلليون تەڭگە ءبولىندى. 8 قاتىسۋشى بۇل جۇمىستى قولعا الۋعا نيەت ءبىلدىردى. ءبىراق، بەلگىسىز سەبەپتەرمەن، تىزىمگە كىرمەگەن مۇلدە باسقا كاسىپورىن جەڭىمپاز بولىپ شىعا كەلدى. ءبىز دەر كەزىندە جۇمىس ىستەپ، قارجى قايتارىلدى»، - دەدى اراي اليموۆ.
