بىلتىر «سامۇرىق - قازىنا» قورى بيۋدجەتكە 603 ميلليارد تەڭگەگە جۋىق تولەمدەر اۋداردى

بۇل تۋرالى پارلامەنت ءماجىلىسىنىڭ جالپى وتىرىسىندا 2015 -جىلعى رەسپۋبليكالىق بيۋدجەتتىڭ اتقارىلۋى تۋرالى ۇكىمەت ەسەبىن تالقىلاۋ بارىسىندا «سامۇرىق- قازىنا» ۇلتتىق ءال- اۋقات قورى باسقارما مۇشەسى ەلەنا باحمۇتوۆا وسىلاي ءمالىم ەتتى.

«بىلتىرعى جىلدىڭ قورىتىندىلارىنا كەلسەك، «سامۇرىق- قازىنا» قورى 304,8 ميلليارد تەڭگە تازا تابىس تاپتى. بۇل  - 2014 -جىلدىڭ ناتيجەسىمەن سالىستىرعاندا 30 پايىزعا ارتىق كورسەتكىش. جالپى 2015 -جىلى «سامۇرىق- قازىنا» قورى بيۋدجەتكە سالىق جانە باسقا دا تولەمدەر تۇرىندە 603 ميلليارد تەڭگە اۋداردى. بۇدان بولەك، رەسپۋبليكالىق بيۋدجەتكە 34,7 ميلليارد تەڭگە سوماسىندا ديۆيدەندتەر تولەندى»، - دەدى ە. باحمۋتوۆا.

 ونىڭ ايتۋىنشا، جالپى قىزمەت ناتيجەلەرى بويىنشا بىلتىرعى جىلى  قوردىڭ تازا اكتيۆتەرى 22,3 پايىزعا ارتقان. 

اۆتور:   قانات مامەتقازى ۇلى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى