ەلىمىزدە 600-دەن استام تەرروريست تۇرمەدە جازاسىن وتەپ ءجۇر

«تەرروريزم قاۋپى رەيتينگىندە قازاقستان 135 ەل ىشىندە 93- ورىندا تۇر. ەل يندەكسى 0,901 قۇرادى. بۇل كورسەتكىش تاۋەكەلدىڭ وتە تومەن دەڭگەيىنە جاتادى. الايدا، 2016 -جىلى قازاقستان بىرنەشە رەت تەرروريستەردىڭ شابۋىلىنا ۇشىرادى جانە قازاقستان ازاماتتارى ءۇشىن بۇل ۇلكەن سىلكىنىس بولدى. سونىمەن قاتار، سوڭعى ونجىلدىقتاعى ءۇردىس ۇيىمداسقان قىلمىستىق توپتاردىڭ يسلامشىل راديكالدى ۇيىمدارمەن ءوزارا ءىس- قيمىلىنىڭ ءوسۋى بولدى. بۇگىنگى تاڭدا قازاقستاندا 600-دەن استام سوتتالۋشىنىڭ تەرروريزمگە قاتىسى بار. ونىڭ % 98 وزدەرىن «سالافيت» دەپ سانايدى. سوتتالعانداردىڭ قالعان 2-3 پايىزى «حيزبۋت- تاحرير»، «كەستگي جاماعات»، «ءومىر. سەنىم. ءبىلىم» (قازاقستاندا زاڭمەن تىيىم سالىنعان ۇيىمدار)»، - دەلىنگەن مادەنيەت جانە سپورت مينيسترلىگى جاريالانعان رەتتەۋشىلىك ساياساتتىڭ كونسۋلتاتيۆتىك قۇجاتىندا.

بۇل ماسەلەنىڭ شەشىمى رەتىندە ۆەدومستۆو پسيحيكالىق تۇرعىدان ءالسىز ساناتتاعى بالالار اراسىندا، ونىڭ ىشىندە سپورت سەكسيالارىندا ءدىني ەكسترەميزمگە قارسى اقپاراتتىق- ءتۇسىندىرۋ جۇمىستارىن ۇدەتە ءتۇسۋدى ۇسىنادى.

«ءدىني ەكسترەميزم قوعامدىق قاۋىپسىزدىككە ۇلكەن قاۋىپ توندىرەدى. وعان نەگىزىنەن جاستار قاتىسادى. سپورت ۇيىمدارىندا جاسى 7-دەن 18 جاسقا دەيىنگى قۇراما كوماندالار ءۇشىن سپورتتىق رەزەرۆ دايىندالىپ جاتىر. بۇل جاستا پسيحيكا ءالى دە تۇراقسىز جانە سىرتتان وڭاي اسەر ەتەدى. سونىمەن قاتار، بالالار مەن جاسوسپىرىمدەر سپورتقا نەگىزىنەن الەۋمەتتىك وسال توپتاردان كەلەدى. سوندىقتان، دەنە شىنىقتىرۋ جانە سپورت سالاسىنداعى ۋاكىلەتتى ورگانعا، جەرگىلىكتى اتقارۋشى ورگاندارعا ءدىني ەكسترەميزمنىڭ اقپاراتتىق- ءتۇسىندىرۋ جۇمىستارىن جانە پروفيلاكتيكاسىن جۇرگىزۋ، سونداي- اق اككرەديتتەلگەن سپورت فەدەراتسيالارىنا ءدىني ەكسترەميزمنىڭ الدىن الۋ جونىندە شارالار قابىلداۋ اسا ماڭىزدى»، - دەپ ماسسەلەنىڭ شەشىمىن كورسەتكەن مينيسترلىك.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى