بيىل 600 دەن استام زاپاستاعى وفيتسەر اسكەري قىزمەتكە شاقىرىلماق - ۇكىمەت قاۋلىسى

اشىق ن ق ا پورتالىندا جاريالانعان ۇكىمەت قاۋلىسىنىڭ جوباسىندا جازىلعانداي، بيىل جالپى سانى 635 زاپاستاعى وفيتسەر مىنا قۇرىلىمداردىڭ قاتارىنا شاقىرىلادى:

- ق ر قارۋلى كۇشتەرىنە - 550 وفيتسەر؛

- ق ر ۇلتتىق قاۋىپسىزدىك كوميتەتىنىڭ شەكارا قىزمەتىنە - 60 وفيتسەر؛

- ق ر توتەنشە جاعدايلار مينيسترلىگىنە - 16 وفيتسەر؛

- ق ر ىشكى ىستەر مينيسترلىگىنىڭ ۇلتتىق ۇلان قاتارىنا - 9 وفيتسەر.

«جوبانىڭ ماقساتى - 2023 -جىلى ق ر قارۋلى كۇشتەرىن، ق ر ۇلتتىق قاۋىپسىزدىك كوميتەتىنىڭ شەكارا قىزمەتىن، ق ر توتەنشە جاعدايلار مينيسترلىگىن جانە ق ر ۇلتتىق ۇلانىن جاساقتاۋ ءۇشىن اسكەري قىزمەتكە شاقىرىلاتىن زاپاستاعى وفيتسەرلەردىڭ سانىن ۇلعايتۋ. جوبانى ىسكە اسىرۋ قوسىمشا بيۋدجەت شىعىنىن تالاپ ەتپەيدى جانە ءتيىستى جىلدارعا ارنالعان رەسپۋبليكالىق بيۋدجەتتە كوزدەلگەن قاراجات ەسەبىنەن جۇزەگە اسىرىلادى»، - دەپ تۇسىندىرمە بەرىلگەن ۇكىمەت قاۋلىسىنىڭ جوباسىندا.

قۇجات 6-ماۋسىمعا دەيىن كوپشىلىك تالقىلاۋدا بولادى.

ايتا كەتەيىك، جىل باسىندا ءتيىستى قاۋلىمەن زاپاستاعى 345 وفيتسەردى اسكەري قىزمەتكە شاقىرۋ جوسپارلانعان ەدى. دەگەنمەن، وعان وزگەرىس ەنگىزىلىپ وتىر. ەندى شاقىرىلاتىن وفيتسەرلەر سانى 635 بولىپ بەكىتىلمەك.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى