ا ش م: قارا تىزىمگە 600 دەن استام جەردى ءتيىمسىز پايدالانۋشى ەنگىزىلدى
ق ر ا ش م القا وتىرىسىندا جەر رەسۋرستارىن باسقارۋ كوميتەتىنىڭ ءتورايىمى گۇلجاحان بيمەندينا اتالمىش ءتىزىمنىڭ اشىق تۇردە قولجەتىمدى ەكەنىن ايتتى.
«وزدەرىڭىزگە بەلگىلى، 2015 -جىلدان باستاپ اۋىل شارۋاشىلىعى جەرىن ءتيىمدى پايدالانۋدى باقىلاۋ اكىمدىكتەردىڭ قۇزىرىنا كىرەدى. بۇل رەتتە، جەرگىلىكتى اتقارۋشى ورگانداردىڭ پايدالانىلمايتىن جەرلەردى انىقتاۋ بويىنشا جۇمىسى ا ش م- نىڭ تۇراقتى باقىلاۋىندا. جەرگىلىكتى اتقارۋشى ورگانداردىڭ جۇمىسىن تالداۋ نەگىزىندە ا ش م جەرلەردى اۋىل شارۋاشىلىعى اينالىمىنا نەمەسە مەملەكەت مەنشىگىنە قايتارۋدى كۇشەيتۋگە باعىتتالعان زاڭنامالىق شارالاردى جەتىلدىرەدى. جالپى، سوڭعى 2 جىلدا ءبىز رەسپۋبليكا بويىنشا اۋىل شارۋاشىلىعى جەرلەرىن انىقتاۋ مەن قايتارىپ الۋدىڭ وڭ ديناميكاسىن بايقاپ وتىرمىز»، - دەدى گ. بيمەندينا.
سونداي- اق، كوميتەت باسشىسى ا ش م سوت شەشىمى بويىنشا جەر ۋچاسكەلەرى قايتارىلىپ الىنعان تۇلعالاردىڭ ءتىزىمىن قالىپتاستىرۋدى جالعاستىرىپ جاتقانىن اتاپ ءوتتى.
بۇگىندە «قارا تىزىمدە» 600 دەن استام ادامنىڭ اتى- ءجونى، جەر ۋچاسكەسىنىڭ كاداسترلىق ءنومىرى، اۋدانى جانە ناقتى ورنالاسقان جەرى كورسەتىلگەن. اقپارات https://qoldau.kz/kz سايتتىندا بەرىلگەن.
