اقتوبەدە نان باعاسىن وسىرمەۋ ءۇشىن اينالىمعا 600 ميلليون تەڭگە بەرىلەدى
اقتوبەدە ازىق- تۇلىك قاۋىپسىزدىگىن قامتاماسىز ەتۋ ماقساتىندا ءبىرقاتار شارا قولعا الىندى. كوروناۆيرۋس ينفەكتسياسى قايتا ءورشىپ، كارانتين بولسا، حالىقتى ازىق- تۇلىكپەن قامتاماسىز ەتۋ جۇمىسى جوسپارلاندى. قازىر الەۋمەتتىك ماڭىزى بار 32 ءتۇرلى تاعام بولسا، ونىڭ 24 ءى جەرگىلىكتى جەردە وندىرىلەدى. تەك قاراقۇمىق، كۇرىش، قانت پەن تۇز، سارىمساق، بۇرىش، الما، بالىق شىعارىلمايدى.
«2020-2022 -جىلدارى ارالىعىندا 27 ءىرى ينۆەستيتسيالىق جوبا ىسكە اسىرىلادى. جوبا قۇنى - 176 ميلليارد تەڭگە. قازىرگى كەزدە ءبىرقاتارى ىسكە اسىرىلدى. ماسەلەن، بالىق شارۋاشىلىعىن قولعا العان كاسىپكەر جىلىنا 1,5 مىڭ توننا بالىق وندىرمەك. كوكونىسپەن قامتاماسىز ەتۋ ماقساتىندا 5 گ ا جەرگە جىلىجاي سالىپ جاتىر. قۇرىلىس جۇمىسى اياقتالدى»، - دەدى وبلىستىق اۋىل شارۋاشىلىعى باسقارماسىنىڭ باسشىسى قۇسايىن سارسەمباي.
سونىمەن بىرگە القاپتان سورەگە ءتاسىلى ءجيى قولدانىلادى. شارۋالار ونىمدەرىن بىردەن ساتۋعا شىعارادى. اۋىل شارۋاشىلىعى جارمەڭكەسى دە ۇيىمداستىرىلادى.
«بيىل نان باعاسىن تۇراقتاندىرۋ ءۇشىن قالاداعى 4 نان شىعارۋ سەحىنا 160 ميلليون تەڭگە اينالىم قارجىسى بەرىلدى. جىل سوڭىندا قارجى كەرى قايتارىلادى. سونىمەن بىرگە كەلەر جىلى تاعى 600 ميلليون تەڭگە قارجى بەرۋدى جوسپارلاپ وتىرمىز. قارجىنى نان شىعارۋ سەحىنا ەمەس، ۇن وندىرۋشىلەرگە بەرەمىز. سول كەزدە نان سەحىنا قاجەتتى ۇن قۇنى قولجەتىمدى بولادى»، - قۇسايىن سارسەمباي.
