نۇرلى جەر: سارىاعاشتا 600 گە جۋىق وتباسى باسپانالى بولماق

ناتيجەسىندە ءۇي كەزەگىندە تۇرعان 585 وتباسى باسپانالى بولماق، دەپ حابارلايدى قازاقپارات اكىمنىڭ باسپا ءسوز قىزمەتىنە سىلتەمە جاساپ.

وسى جۇمىستارعا دەپ قازىنادان 5 ميلليارد 278 ميلليون تەڭگە قارجى بولىنگەن.

جاڭا پاتەرلەر نەگىزىنەن الەۋمەتتىك كومەككە ءزارۋ ازاماتتارعا ۇلەستىرىلەدى. ولاردىڭ قاتارىنا مۇمكىندىگى شەكتەۋلى جاندار، كوپبالالى وتباسىلار، سوعىس ارداگەرلەرى مەن ولارعا تەڭەستىرىلگەن ازاماتتار جانە جاڭادان وتاۋ قۇرعان جاستار كىرەدى.

كوپقاباتتى تۇرعىن ۇيلەردىڭ قۇرىلىسىمەن «ىنتىماق بەس-ارىس» ج ش س، «ولجا» ج ش س، «اركۋا گرۋپپ» ج ش س، «داۋلەت» ج ش س، ت س ك- رابات ج ش س، بالتا-ساپار ج ش س اينالىسادى.

ايتا كەتەيىك، دەموگرافيالىق ءوسۋ قارقىنى جوعارى اۋداندا سوڭعى 40 جىلدا مۇنداي كولەمدە باسپانا سالىنباعان.

سونداي-اق، تۇلكىباس اۋدانىندا دا جالپى سوماسى 2415,9 ميلليون تەڭگەگە كوپقاباتتى 5 تۇرعىن ءۇيدىڭ قۇرىلىسى باستالدى. ونىڭ 1863,5 ميلليون تەڭگەسى وبلىستىق، قالعانى رەسپۋبليكالىق قازىنادان بولىنگەن. جوسپار بويىنشا نىسانداردىڭ قۇرىلىس جۇمىستارى 2019-جىلى اياقتالادى. ناتيجەسىندە 256 وتباسى باسپانالى بولادى دەپ كۇتىلۋدە. قازىرگى تاڭدا اۋدانداعى تۇرعىن ءۇي كەزەگىنە 1482 ازامات تۇر.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى