تاجىكستاندىق دوكەيدىڭ قىزى ۇيلەنۋ تويىنا 600 مىڭ دوللارلىق كويلەكپەن شىقتى - فوتو، كەسكىن

سالتاناتتى شارا Radisson Royal قوناق ءۇيىنىڭ "كونگرەسس- پارك" زالىندا ءوتتى، ال قالىڭدىقتىڭ توي كويلەگى 40 ميلليون رۋبلگە (قازىرگى كۋرسپەن 632739 دوللار) ساتىپ الىنعان.

بۇل تويعا 900 ادام قوناق بولىپ كەلگەن. زالدىڭ ءىشى گۇلدەرمەن ارلەنگەن، الايدا ەڭ باستى كوزگە تۇسكەنى تاجىكستاندىق سۇلۋدىڭ كويلەگى بولعان. وسى كويلەكتى اتاقتى ۇلى بريتانيالىق ديزاينەرلەر Ralph  جانە  Russo جاساعان. ۇلتتىق داستۇرگە ساي تىگىلگەن كويلەك قاراپايىم ءارى جابىق.

 سونىمەن قاتار، وليگارح يلحوم شوكيروۆ كوڭىل كوتەرۋ باعدارلاماسىنا 30 ميلليون رۋبل جۇمساعان. ساحنادا يۆان ۋرگانت پەن اللا ميحەيەۆالار بولعان، ءانشى گليۋكوزا، فيليپپ كيركوروۆ ءوزىنىڭ شوۋ- بالەتىمەن، لەونيد اگۋتين جانە تاعى باسقا تانىمال جۇلدىزدار قاتىسقان.

قوناقتاردىڭ الدىنا ورتا ازيانىڭ ۇلتتىق تاعامدارى قويىلعان، قىمبات الكوگول ىشىمدىكتەرى مەن تورتتى كونديتەر رەنات اگزاموۆ دايىنداعان.

 وليگارحتىڭ قىزى ساردور ەسىمدى جىگىتكە تۇرمىسقا شىققان.

 تويعا دەيىن مادينا ەكى رەت قىزدار كەشىن ۇيىمداستىرعان. بىرىنشىسىندە ول قۇربىلارىمەن بىرگە يسپانياعا جەكە ۇشاعىمەن ۇشىپ بارىپ، ماربەلەدە ياحتادا بولعان. ال، ەكىنشى كەش تويعا ءبىر كۇن قالعاندا جەرورتا تەڭىزىنىڭ اسحاناسىمەن اتى شىققان ماسكەۋدىڭ ەڭ قىمبات Balzi Rossi مەيرامحاناسىندا بولعان.

 



قىزدىڭ اكەسى - كاسىپكەر يلحوم شوكيروۆ تاشكەنتتەگى ەڭ قىمبات "گراند" قوناق ءۇيىنىڭ يەسى، "دەمير" ساۋدا ءۇيىنىڭ 65 پايىزىن يەلەنگەن جانە ماسكەۋ توڭىرەگىندەگى قوناق ۇيلەردىڭ يەسى. 2010 -جىلى يلحوم شوكيروۆ ۇلىن ۇيلەندىرگەن، ول وزبەكستان ۆيتسە-پرەمەرى رۋستام ازيموۆتىڭ قىزىن العان. قالىڭدىق كويلەگىن اراب ديزاينەرى ۆاليد اتتالى 2 ميلليون دوللارعا تىككەن.

tengrinews.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى