اقتوبە وبلىسىندا مەكتەپ- بالاباقشا ديرەكتورى قىزمەتكەرلەرىنەن زاڭسىز 600 مىڭ تەڭگەدەي قارجى جيناعان
ويىل اۋدانى «مەكتەپ- بالاباقشاسى» مەملەكەتتىك مەكەمەسىنىڭ ديرەكتورى ازاماتشا ا. مەملەكەتتىك قىزمەتتەر اتقارۋعا ۋاكىلەتتى لاۋازىمدى ادام بولا تۇرا، اتالعان مەكتەپ- بالاباقشانى اتتەستاتتاۋدان وتكىزۋ ءۇشىن سىلتاۋمەن مۇعالىمدەر مەن قىزمەتكەرلەردەن 585000 تەڭگە اقشا جيناپ الىپ، ولاردىڭ قۇقىقتارى مەن زاڭدى مۇددەلەرىن ەلەۋلى تۇردە بۇزعان.
سونىمەن قاتار، مەكتەپ- بالاباقشانىڭ ءورت قاۋىپسىزدىگىنە مەكەمە باسشىسى رەتىندە وزىنە سالىنعان 29730 تەڭگە اكىمشىلىك ايىپپۇلدى شارۋاشىلىق مەڭگەرۋشىسى ازامات ق- عا زاڭسىز تولەتكىزىپ، ونىڭ قۇقىقتارى مەن زاڭدى مۇددەلەرىن اياققا باسقان.
سوت ۇكىمىمەن ازاماتشا ا. قازاقستان رەسپۋبليكاسىنىڭ قىلمىستىق كودەكسىنىڭ 361-بابىنىڭ 2-بولىگىمەن كىنالى دەپ تانىلىپ، وعان مۇلكى تاركىلەنىپ، ءبىلىم بەرۋ سالاسىندا باسشىلىق لاۋازىمداردى اتقارۋ قۇقىعىنان ءومىر بويىنا ايىرا وتىرىپ، 1 جىل باس بوستاندىعىن شەكتەۋ جازاسى تاعايىندالدى.
ۇكىم زاڭدى كۇشىنە ەنگەن جوق.
