پرەزيدەنت سايلاۋى: ج. قالىباي نەبارى 600 دەن استام راستالعان قول جيناي الدى

«جارىلقاپ سەيدلا ۇلى قالىبايدى ق ر پرەزيدەنتتىگىنە كانديدات رەتىندە تىركەۋدەن باس تارتىلسىن. ج. قالىبايدىڭ 6 اۋماقتىق سايلاۋ كوميسسياسىنان حاتتامالارى كەلىپ ءتۇستى. ول وزىنە قولداۋ بىلدىرگەن 600 دەن استام راستالعان قول جيناپتى. سونىمەن قاتار كانديدات پەن ونىڭ جۇبايىنىڭ تابىسى مەن مۇلكى تۋرالى دەكلاراتسيانى تاپسىرعاندىعى جونىندە سالىق ورگاندارىنىڭ انىقتاماسى جوق. سوسىن سايلاۋ جارناسىن ەنگىزگەندىگىن كۋالاندىراتىن قۇجاتتاردى بىزگە تاپسىرمادى. بۇگىن بىزگە وزىنەن ءوتىنىش ءتۇستى»، - دەدى كانديداتتى تىركەۋدەن باس تارتۋ تۋرالى و س ك قاۋلى جوباسىن تانىستىرعان ق ر ورتالىق سايلاۋ كوميسسياسىنىڭ حاتشىسى باقىت مەلدەشيەۆ.

سونىمەن قاتار ول كانديداتتىڭ ءوتىنىشىن دە وقىپ بەردى. وندا: «مەن جارىلقاپ قالىباي بۇگىننەن باستاپ 2015-جىلدىڭ 26- ساۋىرىندە وتەتىن ق ر پرەزيدەنتى سايلاۋىنا ۇمىتكەر رەتىندە قاتىسۋدان ءوز ەركىممەن باس تارتامىن»، - دەلىنگەن.

ق ر و س ك مۇشەلەرى قاۋلى جوباسىن ءبىراۋىزدان ماقۇلدادى.

اۆتور: مارلان جيەمباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى