استانالىقتار ءۇشىن قالاداعى 600 دەن استام سپورتتىق نىساندار ءوز قىزمەتتەرىن ۇسىنادى

ونىڭ ىشىندە «استانا» سپورت كەشەنى كوپشىلىككە باسسەين مەن جاتتىعۋ زالىن ۇسىنادى. سونىمەن قاتار سكالودروم، فۋتبول جانە باسكەتبول، ۆولەيبول وينايتىن الاڭداردى دا جالعا الۋعا بولادى. سپورتتىق سەكتسيالاردان كيكبوكسينگ، كاراتە، بوكس جانە ت. ب. جۇمىس جاسايدى.

سۋ سپورتى تۇرلەرىنە اۋەس جاندار ءجۇزۋ، سۋعا سەكىرۋ، اكادەميالىق ەسۋ، بايداركا مەن كانوەدە ەسۋ، جەلكەندى سپورتقا مامانداندىرىلعان «تولقىن» سپورتتىق مەكتەبىنە جازىلا الادى.

سپورت كەشەندەرى ءۇشىن ستاندارتتى بولىپ تابىلاتىن ءجۇزۋ، فيتنەس، دزيۋدو، ايكيدو، دجيۋ- دجيتسۋ، ءوزىن- ءوزى قورعاۋ سياقتى سپورت تۇرلەرىمەن «قازاقستان» سپورت سارايىندا اينالىسۋعا بولادى. ال «ارىس» بوكس كلۋبى سەكتسيالار تىزىمىندە ەرەكشە ورىن الادى، وندا توپتىق جانە جەكە دايىندىق جۇمىستارى جۇرگىزىلەدى.

«الاتاۋ» سپورت كەشەنىندە 10 نان استام سپورت سەكتسيالارى اشىلعان، اتاپ ايتقاندا، مۇندا شەيپينگ، يوگا، سپورتتىق جانە باسقا دا بي تۇرلەرى، اكروباتيكا، سامبو، ايكيدو، كاراتە، كيك- بوكسينگ، اۋىر اتلەتيكامەن اينالىسۋعا بولادى.

«سارى ارقا» ۆەلوترەگى 4 جاستان اسقان بالالارعا كوركەم گيمناستيكامەن اينالىسۋعا مۇمكىندىك بەرەدى، سونىمەن قاتار بۇل جەردە سۋدا ءجۇزۋدى دە ۇيرەنۋگە بولادى.

«الاۋ» مۇز ايدىنى سارايىندا فيتنەسپەن اينالىسۋعا جانە جاتتىعۋ زالىندا دايىندالۋعا بولادى. ۇستەل تەننيسىنىڭ ويىنشىلارىنا ۋاقىت شەكتەلمەيدى.

قاجىمۇقان مۇڭايتپاسوۆ اتىنداعى ستاديون اۋىر اتلەتيكا سەكتسياسىنا 18 جاستان باستاپ، جەڭىل اتلەتيكاعا 9 جاستان باستاپ قابىلدايدى. بۇدان باسقا، جاز ماۋسىمىندا فۋتبول الاڭى كەلەم دەۋشىلەردىڭ بارلىعىنا اشىق.

«داۋلەت» سپورت كەشەنىندە ۇلكەن تەننيستەن جەكە دايىندىقتار جۇرگىزىلەدى. كەز- كەلگەن ادام قالاعان ۋاقىتىندا كورتتى جالعا الا الادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى