ۇلىقپان جولداسوۆ دۇركىرەتىپ 600 ادامعا توي جاسادى

ۇلىن ۇيلەندىرگەن تانىمال سازگەر شاڭىراعىنا كەلىن ءتۇسىرىپ، قۋانىشقا كەنەلىپ وتىر.

600 ادامعا جاسالعان ءدۇبىرلى تويعا شوۋ-بيزنەس وكىلدەرىنىڭ شامامەن 80 پايىزى كەلدى.

جولداسوۆتار وتباسىندا ۇلان اسىر توي. 600 دەن اسا ادامعا دۇركىرەتىپ توي جاساعان تانىمال سازگەر ۇلىقپان جولداسوۆ پەن جارى ايعان حانىم قۇدا-قۇداعي اتاندى.

جالعىز ۇلى بولات دانا ەسىمدى كەلىن ءتۇسىردى. تالاي انشىگە ءان جازعان ۇلىقپاننىڭ اق كەلىنىنىڭ بەتىن رامازان ستامعازيەۆ اشتى.

بەتاشاردى سىرتتان باقىلاپ، قوبالجىپ تۇرعان كۇيەۋجىگىت مىڭداعان قىزدىڭ اراسىنان دانانى تاڭداپ الۋىنىڭ سەبەبىن ايتتى.

سونىمەن ماڭعىستاۋلىق ۇلىقپان جولداسوۆ قاراعاندىلىقتارمەن قۇدا بولدى. ۇنەمى قالجىڭداسىپ جۇرەتىن ۇلىقپان جولداسوۆ قانداي قايىن اتا بولار ەكەن؟ ۇلىقپاننىڭ قانداي قايىن اتا بولارىن ونىڭ ارىپتەستەرى دە ايتا المادى. ساكەن مايعازيەۆ ءتىپتى ەلەستەتە المايمىن دەپ كۇلدى.

جومارت ازاماتتىڭ تويىندا ينە شانشار جەر بولمادى. قۇددى ءبىر كونسەرتكە ۇلاسقان تويدا قازاق ەستراداسىنىڭ قايماقتارى اننەن شاشۋ شاشتى.

بيىل وتاۋ قۇرىپ، وتباسى اتانعان جۇلدىزدار كوپ. جىل باسىندا جىگىتتەر كۆارتەتىنىڭ ءانشىسى مىرزاحان قولىنا باق قۇسىن قوندىرعان ەدى.

 ودان سوڭ ءمادينا ءسادۋاقاسوۆا بيىلعى جىلدىڭ اقپان ايىندا تۇرمىسقا شىعىپ، كوپتى قۋانتقان بولاتىن. ونىڭ جۇرەگىن رەجيسسەر ولجاس ەسىمدى جىگىت باۋراپ العان ەدى. بۇگىندە جاس وتباسىنىڭ ءانۋار ەسىمدى ۇلى بار.

ال،  ءانشى تالعات جورابايەۆ اپكەسى التىناي جورابايەۆا مەن ونىڭ وتباسىنا قاراعاندىلىق اياۋلىم ەسىمدى قىزدى كەلىن قىلىپ اكەلدى. جورابايەۆتار وتباسى تامىز ايىندا دۇركىرەتىپ توي جاساعان بولاتىن. قازىر جاس جۇبايلار تۇركيا ەلىندە بال ايلارىن وتكىزۋدە.

سونداي-اق ءانشى ەركىن نۇرجانوۆ بيىل قايتا ۇيلەندى. ءبىرىنشى وتباسىمەن نەكەسى ءساتسىز اياقتالعان ءانشى دينارا ەسىمدى بويجەتكەنمەن شاڭىراق كوتەردى. توي شىمكەنت قالاسىندا ءوتتى.

Nur.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى