الماتىدا 600 ازامات ق ر قارۋلى كۇشتەرى قاتارىنا قابىلداندى - فوتو
شارا بارىسىندا ۇرىس قارۋلارى مەن اسكەري جابدىقتالۋ، كيىنۋ ۇلگىلەرى كورسەتىلىپ، مەرەكەلىك كونتسەرت ۇيىمداستىرىلدى.
«ءبىز ق ر قارۋلى كۇشتەر قاتارىنا 600 الماتىلىق جىگىتتى اتتاندىرىپ وتىرمىز. سىزدەر ءوز مىندەتتەرىڭىزگە ادال بولىڭىزدار. اسكەري عىلىمنىڭ قىر- سىرىن مەڭگەرىپ، باتىلدىق پەن ەرجۇرەكتىلىكتى تۋ ەتىڭىزدەر. ءبىزدىڭ ەلىمىزدىڭ قورعانىسى سىزدەردىڭ اسكەري مىندەتكە ادال بولۋلارىڭىزعا تىكەلەي بايلانىستى. وتان قورعاۋشىلاردىڭ قازىرگى لەگى الدىڭعى بۋىننىڭ لايىقتى ءىزباسارلارى بولادى دەگەن سەنىمدەمىن» ، - دەدى قالا باسشىسى احمەتجان ەسىموۆ.
سونىمەن قاتار، قالا باسشىسى ەلىمىزدە جاڭا تالاپتارعا جاۋاپ بەرە الاتىن كاسىبي ارميا قالىپتاسقاندىعىن ايتىپ ءوتتى.
«استانادا وتكەن اسكەري شەرۋ قازاقستان اسكەرىنىڭ مىعىم كۇشى مەن قارىم- قابىلەتىن پاش ەتتى. ەلىمىزدە اسكەريلەردىڭ الەۋمەتتىك جاعدايىن جاقسارتۋعا بارلىق جاعداي جاسالۋدا. وتكەن جىلى ەلىمىزدە 7 مىڭعا جۋىق اسكەري قىزمەتكەر باسپانالى بولدى. ولاردىڭ جالاقىسى 170 مىڭ تەڭگە بولسا، زەينەتاقى جارعىسى وزگە ساناتتاعى ازاماتتاردىڭ كورسەتكىشىنەن جوعارى» ، - دەپ قورىتىندىلادى ءسوزىن قالا باسشىسى.
اۆتور: گۇلميرا عوسمانالي
