بيۋدجەت كىرىسى 60,8 ميلليارد تەڭگەگە ۇلعايادى

  دەپۋتاتتار نازارىنا «2017-2019 -جىلدارعا ارنالعان رەسپۋبليكالىق بيۋدجەت تۋرالى» زاڭ جوباسىنا ەنگىزىلەتىن وزگەرىستەر ۇسىنىلدى. جىل باسىنان بەرگى سالىقتىق تۇسىمدەر مەن ەكسپورتتىق مۇمكىندىكتەرگە بايلانىستى ۇكىمەت بولجامدارىن ءبىراز جاقسارتىپ وتىر. ماسەلەن، بيىلعى ەكونوميكالىق ءوسىم 3,4 پايىزعا جەتەدى دەگەن جوسپار بار. ونىڭ ۇستىنە رەسپۋبليكالىق بيۋدجەت كىرىسى 60,8 ميلليارد تەڭگەگە ۇلعايادى. سايكەسىنشە تاپشىلىق وسىنشا مولشەردە قىسقارۋى ءتيىس. ال ۇلتتىق قورعا تۇسەتىن قارجى كولەمى 1,8 تريلليون تەڭگەگە تەڭەسپەك. سول سەكىلدى بيۋدجەتتىڭ شىعىس بولىگىندە دە ايتارلىقتاي وزگەرىس بار. سەبەبى بۇل باعىتتا جۇمسالاتىن قارجى 11,2 تريلليون تەڭگەگە جۋىقتايدى.

جالپى وتىرىس بارىسىندا سەناتورلار زاڭ جوباسىن ماقۇلداپ، ەكىنشى دەڭگەيلى بانكتەردى قۇتقارۋ ءۇشىن نەلىكتەن كوپ قارجى بولىنەتىنىن سۇرادى. سەبەبى سوڭعى 8 جىلدا بۇل ماقساتقا ەل قازىناسىنان 3 تريلليون تەڭگە جۇمسالعان.

مۇرات باقتيار ۇلى، ق ر پارلامەنتى ءماجىلىسىنىڭ دەپۋتاتى:

- ودان كەيىن ءبىز پروبلەمالىق كرەديتتەر قورىن قۇرعانبىز. سوعان 2014 -جىلى 250 ميلليارد تەڭگە بەردىك. بيىل، 2017 -جىلى 2 تريلليون 100 ميلليارد تەڭگە بەرىپ وتىرمىز. سوڭعى 8 جىلدا 3 تريلليون اقشانى پروبلەمالىق ماسەلەنى شەشۋگە بەرىپ وتىرمىز.

 سۇراق. وسى قارجىلاردىڭ قانشاسى قايتارىلدى؟ شەكتەۋ بولۋى كەرەك قوي.

 باقىت سۇلتانوۆ، ق ر قارجى ءمينيسترى:

 - 250 ميلليارد تەڭگە قاراجات سول كەزدە جىبەرىلگەن بولاتىن. بانكتەرگە كومەكتەسۋ ءۇشىن. ونىڭ 16 ميلليارد تەڭگەسى اعىمداعى جىلدىڭ قايتىپ كەلىپ ءتۇستى.

www.24.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى