جاڭبىر، بۇرشاق: 6-8 كۇندەرگە سينوپتيكتەر بولجامى

«الداعى مەرەكە كۇندەرى رەسپۋبليكا اۋماعىنىڭ باسىم بولىگىندە اۋا رايىنىڭ قۇبىلمالى سيپاتى ساقتالادى. وسىعان بايلانىستى جاڭبىر جاۋىپ، نايزاعاي مەن ەكپىندى جەل كۇتىلەدى.

6-7-شىلدەدە ورتالىقتا جانە وڭتۇستىك- شىعىستا قاتتى جاڭبىر بولجانادى. 6-8-شىلدەدە قازاقستاننىڭ سولتۇستىگى مەن شىعىسىندا كۇندىز بۇرشاق جاۋۋى ىقتيمال.

ەلىمىزدىڭ باتىسىندا عانا جاۋىن- شاشىنسىز كۇن رايى كۇتىلەدى.

باتىستا جانە وڭتۇستىكتە كۇندىزگى تەمپەراتۋرا بىرتىندەپ جوعارىلايتىنى بولجانادى - +33+42°س دەيىن.

ال ەلىمىزدىڭ قالعان بولىگىندە اۋا تەمپەراتۋراسى سولتۇستىك- باتىستا جانە ورتالىقتا +22+ 35°س دەيىن، سولتۇستىكتە +23+30°س دەيىن، شىعىستا جانە وڭتۇستىك- شىعىستا +20+30°س دەيىن ازداپ تومەندەۋى مۇمكىن»، - دەلىنگەن سينوپتيكتەر مالىمەتىندە.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى