قازاقستاندا اعىمداعى ينفلياتسيا كولەمى 6-8 پايىزدىق دالىزگە قول جەتكىزۋگە مۇمكىندىك بەرەدى - د. اقىشەۆ
بۇل تۋرالى بۇگىن الماتىدا وتكەن باسپا ءسوز ءماسليحاتى بارىسىندا ق ر ۇلتتىق بانكىنىڭ ءتوراعاسى دانيار اقىشەۆ ءمالىم ەتتى.
«قازىر ەلىمىزدە اي سايىن بەلگىلەنىپ جاتقان ينفلياتسيا كولەمى كوپجىلدىق ترەندتكە سايكەس كەلەدى. ياعني، ول 2016 -جىلدىڭ قورىتىندىسى بويىنشا - 6-8 پايىزدىق دالىزگە قول جەتكىزۋگە مۇمكىندىك بەرەدى. قازىر، ىشكى نارىقتاعى سۇرانىستارعا، مۇنايعا قاتىستى الەمدىك باعاعا جانە باسقا ەلدەردەگى ەكونوميكالىق جاعدايلارعا قاراپ، ەلىمىزدەگى ينفلياتسيا كولەمى بيىل وسى بولجالدى ءدالىزدىڭ شەڭبەرىندە قالادى دەپ نىق بولجام جاساۋعا بولادى»، - دەدى د. اقىشەۆ.
سونىمەن قاتار، باس بانكير تەڭگەنىڭ ايىرباس باعامىنا قاتىستى دا ءوز پىكىرىن ءبىلدىردى.
«تەڭگە باعامى 2016 -جىلدىڭ مامىر ايىندا 1 ا ق ش دوللارى ءۇشىن 335,84 تەڭگەنى قۇرادى. تەڭگەنىڭ اتاۋلى كولەمدەگى السىرەۋى مامىر ايىندا 2,5 پايىز بولدى. ءبىراق، جىل باسىنان بەرى تەڭگە باعامى - 1,2 پايىزعا نىعايدى»، - دەدى د. اقىشەۆ.
سونىمەن قاتار، ق ر ۇلتتىق بانكىسىنىڭ ءتوراعاسى ۆاليۋتا نارىعىندا تەڭگەنىڭ نىعايىپ جاتقاندىعىن جەتكىزدى.
«2016 -جىلدىڭ مامىر ايىندا ۆاليۋتا نارىعىندا شەتەلدىك ۆاليۋتا ارتىعىمەن ۇسىنىلدى. مۇنداي جاعدايدىڭ ورىن الۋىنا تۇرعىندار مەن كاسىپورىندار تاراپىنان نەگىزىنەن تەڭگەلىك قۇرالدارعا ينۆەستيتسيا جۇمسالعانى اسەر ەتتى دەۋگە بولادى. بۇل جاعدايدا ۇلتتىق بانك ەلىمىزدىڭ التىن- ۆاليۋتا قورىن تولىقتىرۋ جانە ايىرباس باعامىنىڭ كۇرت وزگەرىپ كەتۋىنە جول بەرمەۋ ماقساتىندا شەتەلدىك ۆاليۋتانى ساتىپ الۋدى ودان ءارى جالعاستىرادى جانە مۇنى دۇرىس دەپ سانايدى. دەگەنمەن، ءبىز الەمدە ورىن الاتىن ىرگەلى ترەندتەرگە، ياعني قۇبىلىستارعا كەدەرگى جاساۋدان اۋلاقپىز. ونسىز دا، جالپى ۆاليۋتا ساۋداسى تۇرعىسىنان الىپ قاراعاندا، ۇلتتىق بانك تاراپىنان ساتىپ الىنىپ جاتقان شەتەلدىك ۆاليۋتانىڭ كولەمى اسا ۇلكەن ەمەس. مىسالى، 2016 -جىلى مامىر ايىندا ۇلتتىق بانك ۆاليۋتا نارىعىندا - 728,3 ميلليون ا ق ش دوللارىن ساتىپ الدى. ياعني، ءبىزدىڭ ۆاليۋتا نارىعىنا قاتىسۋ ۇلەسىمىز - بار بولعانى 29 پايىزدى عانا قۇرادى. سونىمەن قاتار، مامىر ايىندا قازاقستان ازاماتتارى شەتەلدىك ۆاليۋتانى ساتىپ العاننان كورى، كوبىرەك ساتتى. مىسالى، وسى وتكەن مامىر ايىندا تۇرعىندار تاراپىنان ساتىلعان قولما- قول شەتەلدىك ۆاليۋتانىڭ نەتتو ساتىلىمى - 183,8 ميلليون ا ق ش دوللارىن قۇرادى. وسىلايشا، 2016 -جىلدىڭ اقپان- مامىر ايلارى ارالىعىندا ايىرباس پۋنكتتەرى ارقىلى - 947,2 ميلليون ا ق ش دوللارى ساتىلدى»، - د. اقىشەۆ.
ايتا كەتۋ كەرەك ينفلياتسيا (لات. inflatio - «قابىنۋ»، «ءىسىنۋ») - بۇل باعانىڭ وسۋىنەن، تاۋارلار تاپشىلىعىنان جانە تاۋارلار مەن قىزمەتتەر ساپاسىنىڭ تومەندەۋىنەن تۋىندايتىن اقشانىڭ قۇنسىزدانۋى، سونداي-اق ونىڭ ساتىپ الۋ قابىلەتىنىڭ تومەندەۋى.
اۆتور: ايبوتا جاپپاربەرگەن
