تۇركىستاندا 6,5 ميلليون تەڭگە ايىپپۇلى بار جۇرگىزۋشى انىقتالدى
شىمكەنت قالاسىنىڭ جەكە سوت ورىنداۋشىلارى تاراپىنان جەدەل باسقارۋ ورتالىعىنا ايىپپۇل قۇنى 6,5 ميلليون تەڭگەگە جەتكەن كولىكتى انىقتاپ بەرۋ تۋرالى سۇرانىس تۇسكەن. ال، ءتارتىپ ساقشىلارى سول كۇنى-اق بەينەباقىلاۋ كامەرالارى ارقىلى ءىس-شارالار كەشەنىن جۇرگىزىپ، كۇماندى كولىكتى تۇركىستان قالاسىنداعى كوشەلەردىڭ بىرىنەن توقتاتتى.
«بورىشكەردىڭ اۆتوكولىگى ايىپ تۇراققا قويىلدى. جالپى، جىل باسىنان بەرى پوليتسەيلەر بەينەباقىلاۋ كامەرالارىنىڭ كومەگىمەن بەرەشەكتەرى مەن اكىمشىلىك ايىپپۇلدارىن تولەۋدەن جالتارعان 20 دان استام اۆتوكولىك يەسىن انىقتادى»، - دەيدى تۇركىستان وبلىسى پوليتسيا دەپارتامەنتىنىڭ باسپا ءسوز حاتشىسى گۇلنار ءابدىجاپپاروۆا.
