قازاقستاندىقتار بىلتىر مۇراجايعا 6,1 ميلليون رەت بارعان
حالىقارالىق مۇراجاي كۇنىنە وراي ستاتبيۋرو وسى مادەني مەكەمەگە بارۋشىلار جايلى ستاتيستيكالىق مالىمەت ۇسىندى، دەپ حابارلايدى قازاقپارات.
مۇراجايعا بارۋشىلاردىڭ باسىم بولىگى تۇركىستان وبلىسىندا - 1492 مىڭ كەلۋشى، ودان كەيىن استانادا - 643 مىڭ كەلۋشى جانە شىعىس قازاقستان وبلىسىندا - 564 مىڭ، بارۋشىلاردىڭ سانى شىمكەنت قالاسىنىڭ مۋزەيلەرىندە ەڭ از - 43 مىڭ.
بۇل رەتتە شىمكەنت قالاسىندا مۇراجاي سانى دا كوپ ەمەس - بەسەۋ.
جالپى 2023-جىلدىڭ 1- قاڭتارىندا قازاقستاندا بارلىعى 271 مۇراجاي جۇمىس ىستەسە، ءبىر جىل بۇرىن ونىڭ سانى جەتەۋگە كەم بولعان.
مۇراجاي سانى بويىنشا تۇركىستان وبلىسى كوش باستاپ تۇر - 27 مۇراجاي.
اقتوبە وبلىسىندا 20 مۇراجاي جانە الماتى قالاسى مەن باتىس قازاقستان وبلىسىنىڭ ءارقايسىندا 19 مۇراجايدان.
271 مۇراجايدىڭ 48 ءى - تاريحي، 109 ى - ولكەتانۋ، 65 ءى - مەموريالدىق، تاعى 14 ءى - قورىق مۇراجاي، 11 ءى - ونەرتانۋ جانە باسقا.
ايتا كەتۋ كەرەك، 4 مۇراجاي جەكەمەنشىك، قالعانى - مەملەكەت مەنشىگىندە.
مۇراجايلاردا بارلىعى 2,6 ميلليون ەكسپونات ساقتاۋلى.
