بايقوڭىرداعى 6 قازاق مەكتەبى مەن 1 بالاباقشا قازاقستاندىق ستاندارتقا تولىق كوشەدى
اتالعان زاڭ بايقوڭىرداعى 6 قازاق مەكتەبى مەن 1 بالاباقشانى قازاقستاندىق ستاندارتقا تولىق كوشىرۋ ماسەلەسىن شەشەتىن بولادى.
پارلامەنت قابىلداعان زاڭنىڭ ماقساتى بايقوڭىر قالاسىنداعى قازاقستاندىق بالالارعا ءبىلىم بەرۋ جانە ءبىلىم بەرۋ ۇيىمدارىنىڭ جۇمىس ىستەۋى ءۇشىن قولايلى جاعداي جاساۋ بولىپ تابىلادى. اتاپ ايتقاندا، بايقوڭىر قالاسىنىڭ رەسەي فەدەراتسياسىنىڭ يۋريسديكتسياسىنداعى ءبىلىم بەرۋ ۇيىمدارى قازاقستان تاراپىنا، قازاقستان رەسپۋبليكاسىنىڭ يۋريسديكسياسىنا بەرىلەدى. سونىمەن قاتار، كوممۋنالدىق كورسەتىلەتىن قىزمەتتەرگە اقى تولەۋدى قوسا العاندا، ءبىلىم بەرۋ ۇيىمدارىن قارجىلاندىرۋ قىزىلوردا وبلىسىنىڭ بيۋدجەتىنە قازاقستان ۇكىمەتى بەلگىلەگەن تارتىپپەن رەسپۋبليكالىق بيۋدجەتتەن ترانسفەرتتەر اۋدارۋ ارقىلى جۇزەگە اسىرىلادى.
«ءبىزدىڭ مينيسترلىككە قازاقستاندىق ازاماتتاردى بايقوڭىر قالاسىنداعى 6 مەكتەپ پەن 1 بالاباقشادا قازاقستاننىڭ مەملەكەتتىك ءبىلىم بەرۋ ستاندارتتارىمەن وقىتۋ ماسەلەسىن شەشۋ جۇكتەلگەن بولاتىن. وسىعان وراي، 2014 - جىلدىڭ جەلتوقسان ايىندا ماسكەۋ قالاسىندا كەلىسىمشارتقا قول قويىلدى. بۇل كەلىسىم بويىنشا 6 مەكتەپ پەن 1 بالاباقشا قازاقستاننىڭ يۋريسديكتسياسىنا وتەدى»، - دەدى ءبىلىم جانە عىلىم ءمينيسترى اسلان ءسارىنجىپوۆ.
ونىڭ سوزىنە قاراعاندا، بايقوڭىر قالاسىنداعى ءبىلىم بەرۋ مەكەمەلەرىنىڭ قازاقستاندىق ءبىلىم ستاندارتتارىنا كوشۋ مەزگىلى 2015 - جىلدىڭ قىركۇيەگىنەن باستاپ جۇزەگە اساتىنى جوسپارلانعان.
پارلامەنت قابىلداعان زاڭ مەملەكەت باسشىسىنىڭ قول قويۋىنا جولدانادى.
اۆتور: قانات مامەتقازى ۇلى
