بۇگىن «العاشقى قوڭىراۋ» كەزىندە الماتىدا كولىك كەپتەلىسى 6/10 دەڭگەيىندە بولدى
الماتى قالالىق پوليتسيا دەپارتامەنتى جەرگىلىكتى پوليتسيا قىزمەتى باسقارماسىنىڭ باستىعى ەرجان ۇزابايەۆ جاڭا وقۋ جىلىنىڭ باستالۋىنا وراي، ءىس- شاراعا تارتىلاتىن كۇشتەر مەن قۇرالداردىڭ سايكەستىگى بەكىتىلگەنىن ءمالىم ەتتى.
«تاڭعى ساعات 7 دەن باستاپ پاترۋلدىك پوليتسيا ينسپەكتورلارى مەن مامانداندىرىلعان باتالون قالانىڭ نەگىزگى جولدارىنداعى قوزعالىستى قولمەن باسقارۋعا اۋىستىرىلدى. ونىمەن 33 جول ايرىعى قامتىلدى. سونداي- اق، كەشكى ساعات 18:00 دەن 20:40 دەيىن كولىك كەپتەلىسىن بولدىرماۋ ءۇشىن جەكە قۇرام قولمەن باسقارۋعا قويىلادى»، - دەدى ول.
ايتا كەتەيىك، بۇگىن ساعات 11:30 داعى جاعداي بويىنشا الماتىدا جول كەپتەلىسى 10 بالدان 6 بالل دەڭگەيىندە بولدى. سونداي- اق، 6:00-11:00 ارالىعىندا 14 جول اپاتى تىركەلىپ، ونىڭ بەسەۋىندە زارداپ شەككەندەر بولدى.
