قازاقستان جاقىن كۇندەرى 5G ينتەرنەت جەلىسىنە قوسىلۋى مۇمكىن

ودان بولەك تىسقارى ايماقتاعى ەلدى مەكەندەردىڭ بارلىعى عالامتورمەن قامتىلادى. شەتەلدىك «ەس ي ەس» كومپانياسى بۇرىن- سوڭدى ەلىمىزدە قولدانىلماعان تىڭ تەحنولوگيا ۇسىنىپ وتىر. ولار ينتەرنەت يگىلىگىن كورە الماي وتىرعان جۇزدەگەن اۋىلدى ءاپ- ساتتە- اق عالامتورعا قوسىپ بەرەمىز دەيدى.

اپتا باسىندا الماتى وبلىسىنداعى ءۇش بىردەي ەلدى مەكەن ينتەرنەت جەلىسىنە قوسىلدى. اقتەرەك، ءشىلىباستاۋ جانە بەرىكتاس اۋىلدارىندا O3b (وۋ سري بي) سپۋتنيكتىك جۇيەسى سىناقتان ءوتىپ جاتىر. ونداعى عالامتوردىڭ جىلدامدىعى وزگە وڭىرلەرگە قاراعاندا الدەقايدا جوعارى. تىڭ جوبانى شەتەلدىك SES كومپانياسى جۇزەگە اسىرۋدا.

سانديپ دجالان، SES كومپانياسىنىڭ قارجى ديرەكتورى:

- بۇل - قازاقستاندى سيفرلاندىرۋعا باعىتتالعان ماڭىزدى جوبا. ونىڭ كومەگىمەن تاۋلى ايماقتا ورنالاسقان، ەلدىڭ قيىرىنداعى كەز كەلگەن ەلدى مەكەندى ينتەرنەتپەن قامتۋعا بولادى. ءبىزدىڭ جۇيە الەمنىڭ كوپتەگەن مەملەكەتىندە قولدانىلىپ جاتىر.

O3b سپۋتنيكتىك جۇيەسى - جەرگە ەڭ جاقىن وربيتادا ورنالاسقان. سوندىقتان ونىمەن بايلانىس ورناتۋ باسقالارىنا قاراعاندا اناعۇرلىم جەڭىل. سوسىن ينتەرنەت جىلدامدىعى دا سەكۋندىنا 380 مەگابيتكە دەيىن جەتەدى. بۇل - رەكوردتىق كورسەتكىش.

مالىك ولجابەكوۆ - ق ر سيفرلىق دامۋ، يننوۆاتسيالار جانە اەروعارىش ونەركاسىبى ءمينيسترىنىڭ ورىنباسارى:

- قازىر ەلدە ينتەرنەتكە قوسىلماعان 617 اۋىل بار. سولاردى ءبىرىنشى كەزەكتە عالامتورمەن قامتۋ كەرەك. SES كومپانياسى ۇسىنعان جۇيەنى سىناقتان وتكىزىپ جاتىرمىز. ەگەر بارلىعى ءساتتى بولسا، ولارمەن كەلىسىمگە وتىرامىز. O3b جۇيەسى جان- جاقتى زەرتتەلۋ ۇسىندە. ءموبيلدى وپەراتورلارمەن دە بايلانىس ورناتىپ، 3G جانە 4G جەلىسىنە قوسىلعان كەزدە قالاي جۇمىس ىستەيتىنىن بايقاپ كورۋدە.

الداعى ۋاقىتتا O3b mPOWER جۇيەسىن دە سىناقتان وتكىزەدى. ءساتتى بولسا، قازاقستانعا 5G ينتەرنەت جەلىسىنە قوسىلۋعا مۇمكىندىك بەرەتىن پلاتفورما ۇسىنادى. اۆتورلارى: داستان سەيىلحان ۇلى، جاندوس سۇلتانعازى

www.24.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى