كوروناۆيرۋستىڭ 5G سيگنالى ارقىلى تارالاتىنى تۋرالى ۆيدەو – جالعان
ۆيدەودا ارنايى جۇمىس كيىمىن كيگەن ەر ادام 5G سيگنالىن تاراتاتىن باعاناعا ارنالعان مونتاجداۋ تاقتاسىن كورسەتەدى. قۇرىلعىدا COV-19 جازۋى كورىنەدى. روليك اۆتورىنىڭ پىكىرىنشە، بۇل كوروناۆيرۋس ينفەكتسياسىنىڭ 5G سيگنالدارى ارقىلى تارالاتىندىعى تۋرالى تەوريانى دالەلدەيدى- مىس.
stopfake.kz سايتىنىڭ جازۋىنشا، تاقتادان ءوندىرۋشىنىڭ دەرەكتەرى سياقتى باسقا دا جازۋلاردى كورۋگە بولادى. ولارعا سايكەس، قۇرىلعى تايۆاننىڭ Hannstar فابريكاسىندا جاسالعان. كومپانيا تەلەديدار جابدىقتارى مەن ديسپلەيلەردى شىعارۋمەن اينالىسادى. ول تەلەفونيامەن نەمەسە ينتەرنەت- جابدىقپەن بايلانىستى ەشتەڭە شىعارمايدى. سونداي- اق، ۆيدەودا اۆتور كورسەتكەن بولشەكتىڭ SCART كوننەكتورى بار ەكەنىن بايقايمىز. ول تەلەديدار مەن باسقا ۆيدەو قۇرىلعىعا، مىسالى، بەينەماگنيتوفونعا نەمەسە DVD ويناتقىشقا قوسىلۋ ءۇشىن پايدالانىلادى.
قازىر كوننەكتورلاردىڭ بۇل تۇرلەرى ەسكى بولىپ سانالادى. ولاردىڭ ورنىنا HDMI پورتتارى كەڭىنەن قولدانىلادى.
- بۇل COV-19 تاڭبالارى جازىلعان ەشقانداي كومپونەنتتەرى بوملاعان وتە ەسكى تەلەديداردىڭ تىركەمەسىنەن الىنعان. ونىڭ ءموبيلدى ينتەرنەت- جەلىلەرگە، سونداي- اق 5G قولدانۋعا ەش قاتىسى جوق، - دەپ حابارلادى Virgin Media كومپانياسىنىڭ وكىلى سايمون دورنان ءوزىنىڭ Associated Press-كە جازعان حاتىندا.
روليك اۆتورىنىڭ 5G جەلىلەرىنىڭ قاۋىپتىلىگى تۋرالى باسقا مالىمدەمەلەرىنە دە ەش نەگىز جوق. جالپى، يننوۆاتسيالىق ءادىستىڭ جۇمىس ىستەۋ ءپرينتسيپى 3G جانە 4G جەلىلەرىنىڭ قازىرگى جۇمىسىنان ەرەكشەلەنبەيدى. ءبىر عانا ايىرماشىلىعى - جاڭا فورمات جوعارى وتكىزۋ قابىلەتتىلىگىن قامتاماسىز ەتەدى. ءبىرىنشى Pre-5G بازالىق ستانتسياسى 2015 -جىلى بارسەلونادا ىسكە قوسىلدى. 2016 -جىلى بۇل تەحنولوگيا رەسەيدە العاش رەت سىنالدى. ول كەزدە مالىمەتتەردى تاراتۋ جىلدامدىعى 4,5 گبيت/سەك بولعان. ايتا كەتەيىك، سيگنالدىڭ ارەكەت ەتۋ راديۋسىندا قۇستاردىڭ، جانۋارلاردىڭ نەمەسە جاندىكتەردىڭ جاپپاي قىرىلۋ فاكتىلەرى تىركەلگەن جوق. سونداي- اق، ادامداردان تىنىس الۋ، باس اۋرۋى جانە باسقا دا اۋرۋلار تۋرالى شاعىمدار بولماعان جوق.
5G جەلىلەرى مەن COVID-19 بايلانىسى د د س ۇ سايتىندا جوققا شىعارىلعان بولاتىن.
- ۆيرۋستار راديوسيگنالدارمەن نەمەسە ۇيالى بايلانىس تولقىندارىمەن تارالمايدى. COVID-19 ىندەتى 5G جەلىلەرى تارتىلماعان كوپتەگەن ەلدەردە تارالۋدا، دەلىنگەن ۇيىمنىڭ رەسمي ينتەرنەت- پورتالىندا. بۇل پاندەميا مەن 5G سيگنالدارىنىڭ بايلانىسىن «اشكەرەلەيتىن» ميفتەردىڭ ءبىرى عانا.
بۇعان دەيىن StopFake.kz وسى تەحنولوگيانىڭ كومەگىمەن «اقىل- ويدى باقىلاۋ» تۋرالى حابارلامامەن فەيك تاراتىلىم تۋرالى جازعان بولاتىن.
