5G قاۋىپتى مە؟
ولار تەلەكوممۋنيكاتسيا جۇيەسىنىڭ بەسىنشى ساتىسىنىڭ ادام ومىرىنە زيان ەكەنىن العا تارتادى. 5G بۇرىنعىسىنا قاراعاندا الدەقايدا جىلدام. بۇل جۇيە 4G دەن ەڭ كەم دەگەندە 100 ەسە، ەڭ كوبى 1000 ەسە جىلدامىراق.
5G مەن فيلمدەردى بىرنەشە مينۋتتا جۇكتەپ الۋعا بولادى. بيىل بۇل جۇيە الەمنىڭ 28 مەملەكەتىندە ىسكە قوسىلادى دەپ جوسپارلانۋدا. ازىرگە ونىڭ ادام دەنساۋلىعىنا قالاي اسەر ەتەتىنى بەلگىسىز. الايدا قازىردىڭ وزىندە الەم حالقىنىڭ كوپشىلىگى انتەننالاردىڭ ارتۋىنا الاڭداۋلى. ويتكەنى ودان تارايتىن سيگنالدار ادام ومىرىنە زيان كەلتىرۋى مۇمكىن. بۇعان دەيىن ا ق ش-تاعى اق ۇيگە جاقىن ورنالاسقان RT America تەلەارنا جەلىسى 5G دىڭ كوزگە كورىنبەيتىن كەمشىلىگى بار ەكەنىن انىقتاعان.
RT America تەلەارناسى «ادامزاتقا جاسالعان قاۋىپتى عىلىمي تاجىريبە» اتتى سيۋجەتىندە 5G دىڭ كەمشىلىگى ادام دەنساۋلىعىنا قاۋىپ توندىرەتىنى ايتىلعان. ماماندار جاڭا جۇيە مي راگىن، بەلسىزدىك، اۋتيزم، جۇرەك اۋرۋى مەن السگەيمەرگە شالدىقتىرۋى مۇمكىن ەكەنىن مالىمدەدى. الايدا عىلىمي دالەلدەنگەن جوق. ازىرگە ساراپشىلاردىڭ پىكىرى قاق جارىلدى.
بىرەۋلەرى بۇل مالىمەتتىڭ شىندىققا جاناساتىنىن ايتسا، ەكىنشىلەرى بۇل ەكونوميكالىق سوعىستىڭ امالى بولۋى مۇمكىن ەكەنىنە سەنىمدى. 5G جۇيەسى دامي باستاعالى وعان قارسى شىعۋشىلار دا ارتىپ كەلەدى. قازىردىڭ وزىندە 30 قالانى قامتىعان بۇل قىزمەت ءتۇرىنىڭ دەنساۋلىققا زيان ەكەن تۋرالى باعدارلامالاردىڭ سانى جەتىگە جەتكەن.
الايدا ولاردىڭ ەشقايسىسىنىڭ عىلىمي دالەلى جوق. جۇيەگە قارسى شىعۋشىلار جاڭا تەحنولوگيا سمارتفوننىڭ جيىلىگىن جوعارلاتۋ ارقىلى دەنساۋلىققا قاۋىپ توندىرەتىنىن العا تارتادى. ءبىراق عالىمدار بۇل پىكىرگە قاراما-قارسى سيپاتتاما بەردى. راديوجيىلىك جوعارى بولعان سايىن ونىڭ ادام تەرىسىنە اسەرى ازايادى.
