قازاقستاندا تۇڭعىش رەت «5G» ىسكە قوسىلدى
«بۇگىن Astana Hub اۋماعىندا ءبىز جاڭا بۋىنداعى 5G جەلىسىن ىسكە قوسامىز. ۇيالى بايلانىس جەلىسىنە جاڭا ستاندارتقا سايكەس جاڭا جيىلىك دياپازونىندا ارنايى راديو مودۋلدەرمەن قول جەتكىزۋگە بولادى»، - دەدى ەلوردادا ءوتىپ جاتقان حالىقارالىق تەحنولوگيالىق فورۋمدا «قازاق تەلەكوم» ا ق يننوۆاتسيالار جونىندەگى باس ديرەكتورى نۇرلان مەيىرمانوۆ.
ول بۇل ءۇشىن Astana Hub اۋماعى نە ءۇشىن تاڭدالعانىن ءتۇسىندىردى.
«5G تەحنولوگياسىنىڭ بولاشاق سيفرلىق ەكونوميكاعا بەيىمدەلۋى ءتيىس بىرەگەي مۇمكىندىكتەرى بار. مۇنداي داعدىسى بار جىگىتتەر IT سالاسى مەن ەلەكتروندى كوممەرتسيا، قارجىلىق قىزمەت كورسەتۋ سياقتى ەكونوميكانىڭ جاڭا سالالارىن ەڭسەرە الار دەگەن سەنىمدەمىز. ەگەر ءسىزدىڭ تەلەفونىڭىز 5G ءدى ۇستايتىن بولسا، ونى Astana Hub اۋماعىندا پايدالانۋعا بولادى»، - دەدى سپيكەر.
ءوز كەزەگىندە «موبايل تەلەكوم-سەرۆيس» ج ش س باس ديرەكتورى رومان ۆولودين 5G كوممەرتسيالىق جەلىسى Altel جانە قازاق تەلەكوم ينفراقۇرىلىمىنىڭ نەگىزىندە ىسكە قوسىلعانىن ايتىپ ءوتتى.
«تەحنولوگيانىڭ ءوزى 5G جەلىسى 4G جەلىسىمەن بىرىكتىرىلگەن تۇردە جۇمىس ىستەيدى. ال ءىس جۇزىندە پايدالانۋشىلار ولارعا ءتيىستى قىزمەت كورسەتۋ دەڭگەيىن قامتاماسىز ەتەتىن تەحنولوگيالار اراسىندا اۋىسا الادى. ءدال وسى ينتەگراتسيا سەكۋندىنا 1,5 گ ب جىلدامدىققا قول جەتكىزۋگە مۇمكىندىك بەرەدى. بۇل - شىن مانىندە وتە جوعارى جىلدامدىق»، - دەدى ر. ۆولودين.
ول سونىمەن قاتار قازىرگى ۋاقىتتا الماتى مەن شىمكەنت قالالارىنا 5G جەلىسىن ەنگىزۋ بويىنشا جۇمىستار جۇرگىزىلىپ جاتقانىن جەتكىزدى.
