شىمكەنتتە 5G موبيلدى بايلانىسى تەستتىك سىناقتان وتەدى
بۇل تۋرالى بۇگىن ۇكىمەت وتىرىسىندا قازاقستاننىڭ ەلدى مەكەندەرىندە كەڭ جولاقتى ينتەرنەتتى دامىتۋ جونىندە بايانداعان ق ر سيفرلىق دامۋ، يننوۆاتسيالار جانە اەروعارىش ونەركاسىبى ءمينيسترى اسقار جۇماعاليەۆ ايتتى، دەپ حابارلايدى قازاقپارات ءتىلشىسى.
«ينتەرنەت جەلىسىنىڭ جۇمىس ىستەۋ ساپاسىن جاقسارتۋ ماقساتىندا مينيسترلىكپەن بايلانىس جەلىسىنىڭ ساپاسى تومەن جەرلەردى انىقتاۋ بارىسىندا ولشەم جۇمىستارى جۇرگىزىلەدى. بايلانىس ساپاسى ناشار قامتىلعان ايماقتاردا قوسىمشا بازالىق ستانسالاردى ورناتۋ ماسەلەلەرى اكىمدىكتەر جانە بايلانىس وپەراتورلارىمەن پىسىقتالدى. مىسالى، بۋراباي كۋرورتتىق ايماعى جانە نۇر- سۇلتان قالاسى اۋماعىندا اكىمدىكتەرمەن بىرگە ماچتالار سالۋ وڭ شەشىمىن تاپتى. بۇل ماچتالاردى جەكە كاسىپكەرلەر سالادى. ال بايلانىس وپەراتورلارى ۇيالى بايلانىس بازالىق ستانسالارىن ورناتادى. وسىنداي جۇمىستار الماتى جانە پاۆلودار اكىمدىكتەرىمەن دە جۇرگىزىلۋ باستالدى. وسى باستاماعا باسقا دا وبلىس اكىمدىكتەرىنە ات سالىسۋدى ۇسىنامىز» ، - دەدى اسقار جۇماعاليەۆ.
سونىمەن قاتار ول قازاقستاندا جاڭا تەحنولوگيالاردى ەنگىزۋ بويىنشا جۇمىستار جۇرگىزىپ جاتقانىن ايتتى.
«پرەزيدەنتتىڭ تاپسىرماسىنا سايكەس مينيسترلىك قازاقستاندا 5G جەلىسىن ەنگىزۋ بويىنشا جۇمىستار اتقارۋدا. وسى ورايدا، جول كارتاسى بەكىتىلدى. 5G ءموبيلدى بايلانىسىنىڭ تەستتىك سىناعى نۇر- سۇلتان قالاسىندا وتكىزىلدى. سونىمەن قاتار، سىناق جۇمىستارى الماتى قالاسىندا جۇرگىزىلدى جانە قازان ايىندا شىمكەنت قالاسىندا وتكىزۋ جوسپارلانىپ وتىر. سىناق ناتيجەسىندە تەحنولوگيانىڭ زاتتار ينتەرنەتىن، تەلەمەديتسينا، ونەركاسىپتى، تاۋ- كەن ءوندىرىسىن سيفرلاندىرۋ جانە «اقىلدى» قالالاردى دامىتۋعا مۇمكىندىكتەر بەرەتىنى انىقتالدى«، - دەدى ول.
ونىڭ اتاپ وتۋىنشە، 5G تەحنولوگياسىن ەنگىزۋ ءۇشىن تارتىلاتىن ينۆەستيتسيالار كولەمى ۇلكەن بولعاندىقتان، 1-كەزەڭدە بۇل تەحنولوگيانى ەنگىزۋ رەسپۋبليكالىق ماڭىزى بار نۇر- سۇلتان، الماتى، شىمكەنت قالالارىندا ۇيىمداستىرۋ جوسپارلانعان.
« 2021 -جىلدىڭ اياعىنا دەيىن نۇر- سۇلتان قالاسىندا نازاربايەۆ ۋنيۆەرسيتەتى مەن ەكسپو- دا، ال 2022 -جىلى اەروپورت پەن ۆوكزالدا، ساۋدا ورىندارى مەن الاڭداردا 5G تەحنولوگياسىن ەنگىزۋ جوسپارلانۋدا. ودان ءارى 2023 -جىلدان باستاپ بارلىق وبلىس ورتالىقتارىندا ەنگىزۋ جۇمىستارى جۇرگىزىلەدى. وسىلايشا، جوعارىدا اتالعان جوبالاردى ورىنداۋ جۇمىستارىنىڭ ناتيجەسى بويىنشا 2022 -جىلدىڭ سوڭىنا دەيىن قازاقستان رەسپۋبليكاسى حالقىنىڭ 97 پايىزى كەڭ جولاقتى ينتەرنەت جەلىسىمەن قامتىلادى. قالعان 3 پايىزىن سپۋتنيكتىك تەحنولوگيانى قولدانۋ مۇمكىندىگى قامتاماسىز ەتەدى»، - دەدى مينيستر.
ا. جۇماعاليەۆتىڭ ايتۋىنشا، ينتەرنەت جەلىسىنە قولجەتىمدىلىكتى اۋىلدىق جەرلەردە ارتتىرۋ، «سيفرلىق قازاقستان» مەملەكەتتىك باعدارلاماسى بويىنشا ەلەكتروندىق دەنساۋلىق ساقتاۋ، ەلەكتروندىق قىزمەت كورسەتۋ، جانە باسقا جوبالاردى ىسكە اسىرۋ ءۇشىن نەگىز بولىپ سانالادى.
«بۇل قالا مەن اۋىل اراسىنداعى سيفرلىق الشاقتىقتى قىسقارتۋعا ىقپال ەتەدى. حالقىمىزعا سيفرلىق تەحنولوگيالاردى قولدانۋعا تولىقتاي مۇمكىندىك بەرىپ، قازاقستان رەسپۋبليكاسى ەكونوميكاسىن دامىتۋعا ءوز ىقپالىن تيگىزەتىنىن بولادى» ، - دەدى ول.
