اقمولا وبلىسىندا اۋىل شارۋاشىلىعى ونىمدەرىنىڭ ءوندىرىسى 5 پايىزعا ارتتى
اقمولا وبلىستىق اۋىل شارۋاشىلىعى باسقارماسىنىڭ مالىمەتىنشە، وڭىردە بارلىق تۇردەگى 106,5 مىڭ تونناعا جۋىق ەت ء(وسىمى 10,2 پايىزعا)، 195 مىڭ توننادان استام ءسۇت جانە 363 ميلليون دانا تاۋىق جۇمىرتقاسى ءوندىرىلدى. مەملەكەت قولداۋىنىڭ ارقاسىندا بيىلعى ەگىس ناۋقانى وڭتايلى اگروتەحنيكالىق مەرزىمدە وتكىزىلدى. پايدالانىلماي جاتقان اۋىل شارۋاشىلىعى جەرلەرىن يگەرۋ ەسەبىنەن جازدىق ەگىس القابى 5,3 ميلليون گەكتارعا دەيىن ۇلعايتىلدى، ونىڭ 4,9 ميلليون گەكتارى ءداندى جانە ءداندى-بۇرشاق داقىلدارى.
اۋىل شارۋاشىلىعى داقىلدارىنىڭ ونىمدىلىگى مەن ساپالىق كورسەتكىشتەرىن ارتتىرۋ ماقساتىندا وڭىردە اگروتەحنيكالىق شارالار جۇزەگە اسىرىلىپ جاتىر. توپىراقتىڭ قۇنارلىلىعىن جاقسارتۋ ءۇشىن مينەرالدى تىڭايتقىشتار قولدانىلادى. بيىلعا جوسپارلانعان110 مىڭ توننا تىڭايتقىشتىڭ 100 مىڭ تونناسى ساتىپ الىندى. تىڭايتقىش ەنگىزۋ جۇمىستارى شىلدە-قازان ايلارىندا جۇرگىزىلەدى. سونىمەن بىرگە، ەگىستىكتى ارامشوپتەردەن قورعاۋ ءۇشىن وبلىس فەرمەرلەرى 4,4 ميلليون گەكتار (جوسپاردان 109,4 پايىز) القاپتا حيميالىق وڭدەۋ جۇمىستارىن قولعا الدى، ونىڭ ىشىندە قوسجارناقتى ارامشوپتەرگە - 2,8 ميلليون گەكتار، ءداندى داقىلدارعا - 1,6 ميلليون گەكتار.
بۇدان بولەك، قازىرگى ۋاقىتتا ءداندى داقىلدار اۋرۋى (سەپتوريا) جانە وسىمدىك زيانكەستەرى (ءبيداي ءتريپسى)، سونداي-اق، شەگىرتكەگە قارسى ءىس-شارالار جۇرگىزىلىپ جاتىر.
«جالپى، مەملەكەت باسشىسىنىڭ ازىق- تۇلىك قاۋىپسىزدىگىن نىعايتۋ جونىندەگى تاپسىرمالارىن ورىنداۋ شەڭبەرىندە اقمولا وبلىسىندا بەلگىلى ءبىر ناتيجەلەرگە قول جەتكىزىلدى. بيىلعى ءبىرىنشى جارتىجىلدىق قورىتىندىسى بويىنشا وڭىردە اۋىل شارۋاشىلىعى ءونىمىنىڭ ءوندىرىسى 5 پايىزعا، ياعني 187,4 ميلليارد تەڭگەگە دەيىن ۇلعايدى»، - دەيدى ۆەدومستۆودان.
ايتا كەتسەك، بۇدان بۇرىن اقمولا وبلىسىندا ءسۇت ءوندىرىسىن 32,3 مىڭ تونناعا ۇلعايتۋ جوسپارلانعانىن جازعان ەدىك.
