سارىاعاشتاعى 5 جاسار قىزدىڭ ءولىمى: اۋداندىق سوت ءتوراعاسى قىزمەتىنەن بوساتىلادى

ناتيجەسىندە تۇركىستان وبلىسى سارىاعاش اۋداندىق سوتىنىڭ ءتوراعاسىن قىزمەتىنەن بوساتۋ تۋرالى ماسەلە قوزعالدى.

ايتا كەتەيىك، وسىعان دەيىن تۇركىستان وبلىسىنىڭ سارىاعاش اۋدانىندا 5 جاسار قىز بالانىڭ ولتىرىلگەنىن حابارلاعانبىز.

پرەزيدەنت وقيعانىڭ ءمان-جايىن مۇقيات تەكسەرۋدى تاپسىردى.

14-شىلدە كۇنى كىسى قولىنان كوز جۇمعان 5 جاسار ءبۇلدىرشىننىڭ دەنەسى جەر قوينىنا تاپسىرىلدى.

كەيىنىرەك سارىاعاشتا قىز زورلادى دەگەن كۇدىكتى مۇنىڭ الدىندا ادام ءولتىرىپ، 10 جىل تۇرمەدە وتىرىپ كەلگەنى ءمالىم بولدى.

وسى ءىس بويىنشا سالعىرتتىق تانىتقان پروباتسيا قىزمەتكەرلەرىن تەكسەرۋ باستالدى.

تۇركىستان وبلىسىنىڭ اكىمى كىسى قولىنان قازا تاپقان 5 جاسار قىزدىڭ وتباسىندا بولىپ، تۋىستارىنا كوڭىل ايتتى.

كۇدىكتىنى 2 اي مەرزىمگە كۇزەتپەن ۇستاۋ تۇرىندەگى بۇلتارپاۋ شاراسى سانكسيالاندى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى