سارىاعاشتىقتار كىسى قولىنان كوز جۇمعان 5 جاسار ءبۇلدىرشىندى جەر قوينىنا تاپسىردى

سارىاعاش اۋدانى جىبەك جولى اۋىلىندا بولعان قىلمىسقا قاتىستى كۇدىكتى ۇستالىپ، قاماۋعا الىندى.

13-شىلدە تۇندە ەرەكشە باقىلاۋ جانە تۇرعىندارمەن قوسىمشا ءتۇسىندىرۋ جۇمىسىن جۇرگىزۋ ماقساتىندا وبلىس اكىمىنىڭ مىندەتىن اتقارۋشى ن. كوشەروۆ، وبلىس پروكۋرورى م. تىلەۋبەرديەۆ، تۇركىستان وبلىسى پوليتسيا دەپارتامەنتىنىڭ باستىعى م. قابدەنوۆ، ۇ ق ك تۇركىستان وبلىسى بويىنشا دەپارتامەنتى باستىعىنىڭ ءبىرىنشى ورىنباسارى ت. مەلدەشوۆ، وبلىس اكىمىنىڭ ورىنباسارى ب. تاجىبايەۆ وقيعا ورنىنا باردى.

پىشاق جاراقاتىنان قايتىس بولعان قىزدىڭ دەنەسى سوت-مەديتسينالىق ساراپتامادان وتكەننەن كەيىن بۇگىن، ياعني 14-شىلدە كۇنى جەر قوينىنا تاپسىرىلدى.

ساراپتاما قورىتىندىسى جەدەل تۇردە 20 كۇن ىشىندە شىعارىلادى.

ايتا كەتەيىك، ق ر پرەزيدەنتى باس پروكۋراتۋرا مەن ءى ءى م- نە قايعىلى وقيعانىڭ ءمان- جايىن مۇقيات تەكسەرۋدى تاپسىردى.

كۇدىكتىگە ق ر قولدانىستاعى زاڭناماسى شەڭبەرىندە ءتيىستى شارالار جۇرگىزىلەدى.

قولدا بار اقپاراتقا سايكەس، كۇدىكتى بۇرىن 10 جىلعا باس بوستاندىعىنان ايىرىلعان.

بيىل بىرەۋدىڭ دەنساۋلىعىنا قاساقانا اۋىر زيان كەلتىرگەنى ءۇشىن 3 جىلعا باس بوستاندىعى شەكتەلگەن.

قازىرگى ۋاقىتتا اۋىل تۇرعىندارىمەن اقساقالدار، قۇزىرەتتى ورگاندار جانە جەرگىلىكتى اتقارۋشى ورگانداردىڭ وكىلدەرى كەزدەسۋ وتكىزىپ، تۇسىندىرمە جۇمىسى ءجۇرىپ جاتىر.

قىزىنان ايرىلعان وتباسىنا جان-جاقتى كومەك كورسەتىلۋدە.

ق ر ق پ ك-نىڭ 201-بابىنا سايكەس سوتقا دەيىنگى تەرگەپ- تەكسەرۋدىڭ وزگە دەرەكتەرى جاريالانبايدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى