بەيبىت شۇمەنوۆ 5 جىلعا دەيىن باس بوستاندىعىنان ايىرىلۋى مۇمكىن
استاناداعى ءىرى ساۋدا ويىن- ساۋىق ورتالىعىنىڭ فۋد- كورتىندا جانجال بولىپ، قولىندا بالاسى بار ەر ادامعا جۇدىرىق الا جۇگىرگەن ادامنىڭ كاسىبي بوكسشى بەيبىت شۇمەنوۆ ەكەنى انىقتالعان ەدى.
مينيسترلىكتىڭ باسپا ءسوز قىزمەتى تاراتقان اقپارات بويىنشا، وقيعا 18-ماۋسىمدا بولعان. استاناداعى «Mega Silk Way» ساۋدا- ويىن- ساۋىق ورتالىعىنداعى كافەلەردىڭ بىرىندە قوعامدىق ءتارتىپ بۇزىلىپ، كەلۋشىلەردىڭ ءبىرى ەكىنشىسىن ۇرىپ- سوققان.
قازىرگى ۋاقىتتا وسى فاكت بويىنشا ق ر ق ك- ءنىڭ 293-بابىمەن (بۇزاقىلىق) سوتقا دەيىنگى تەرگەۋ باستالدى، ول 5 جىلعا دەيىن باس بوستاندىعىنان ايىرۋدى كوزدەيدى.
ىشكى ىستەر ورگاندارى بارلىق قاجەتتى جەدەل- تەرگەۋ ءىس- شارالارى جۇرگىزىلىپ جاتقانىن، ولاردىڭ ناتيجەلەرى بويىنشا قۇقىقتىق باعا بەرىلەتىنىن ءمالىم ەتتى.
ەسكە سالساق، مادەنيەت جانە سپورت مينيسترلىگى سپورت جانە دەنە شىنىقتىرۋ ىستەرى كوميتەتىنىڭ ءتوراعاسى ەربول مىرزابوسىنوۆ بوكسشى بەيبىت شۇمەنوۆتىڭ قوعامدىق ورىندا كىسىنى ۇرۋ ارەكەتىنە پىكىر ءبىلدىردى. سونداي- اق، بالا قۇقىقتارى جونىندەگى ۋاكىل دينارا زاكيەۆا بوكسشى بەيبىت شۇمەنوۆ قاتىسقان توبەلەس بويىنشا ىشكى ىستەر مينيسترلىگىنە جۇگىنگەنىن ءمالىم ەتتى.
بۇعان دەيىن بوكسشى الەۋمەتتىك جەلىدە تاراعان ۆيدەوداعى جانجالدىڭ ءمان- جايىن تۇسىندىرگەن بولاتىن.
