بەرىك ءابىدعالي ۇلى 5 ءوڭىردىڭ اتاۋىن قازاقشالاۋ تۋرالى: پايىمىم ۇسىنىس كۇيىندە قالدى
«اقپان ايىنىڭ اياعىندا ءسىز قازاقستاننىڭ 5 وبلىسىنىڭ اتاۋىن قازاقشالاۋ تۋرالى ۇسىنىس ايتقان ەدىڭىز. ول ۇسىنىڭىزبەن ارىپتەستەرىڭىز (اتالعان وبلىستاردىڭ اكىمدەرى - رەد.) سونشالىقتى كەلىسە قويمادى. ال وبلىستاعى قالالاردىڭ اتاۋىن وزگەرتۋ ويىڭىزدا جوق پا؟» ، - دەپ سۇرادى جۋرناليست ورتالىق كوممۋنيكاتسيالاردىڭ كوشپەلى بريفينگىسىندە.
وبلىس اكىمىنىڭ ايتۋىنشا، بۇل ۇسىنىستى ول «قازاق ءتىلى» رەسپۋبليكالىق قوعامىنىڭ ءتوراعاسى رەتىندە كوتەرگەن.
«مەنىڭ «قازاق ءتىلى» رەسپۋبليكالىق قوعامىنىڭ ءتوراعاسى ەكەنىمدى بىلەسىزدەر. عىلىمي كونفەرەنتسيالاردىڭ بىرىندە ءوزىمنىڭ پايىمىمدى ايتقان ەدىم. مەن ول پايىمىمدى ءوزىمنىڭ قوعامدىق جوبالارىم اياسىندا بۇرىن دا ايتقانمىن. بۇل - مەنىڭ پايىمىم. ول ۇسىنىستار سول كۇيى ۇسىنىس قالپىندا قالدى»، - دەدى بەرىك ءابدىعالي ۇلى.
